ടൊവിനോ തോമസ് കേന്ദ്രകഥാപാത്രത്തെ അവതരിപ്പിക്കുന്ന വാശിയുടെ ട്രെയിലർ പുറത്ത് . കീർത്തി സുരേഷ് ആണ് ചിത്രത്തിൽ നായികയായി എത്തുന്നത്. വാശിയുടെ ട്രെയിലർ നൽകുന്ന സൂചന കൊണ്ട് തന്നെ ഏറെ പ്രതീക്ഷയിലാണ് ആരാധകർ.വക്കീൽ വേഷത്തിലാണ് ടൊവിനൊ തോമസും കീർത്തി സുരേഷും എത്തുന്നത്.
രേവതി കലാമന്ദിറിന്റെ ബാനറിൽ വിഷ്ണു ജി രാഘവാണ് ചിത്രം സംവിധാനം ചെയ്തിരിക്കുന്നത്്. റോബി വർഗ്ഗീസ് രാജൻ ഛായാഗ്രാഹണവും കൈലാസ് മേനോൻ സംഗീത സംവിധാനവും നിർവ്വഹിക്കുന്നു.വരികൾ എഴുതിയിരിക്കുന്നത് വിനായക് ശശികുമാറാണ്.മഹേഷ് നാരായണൻ ആണ് സിനിമയുടെ ചിത്രസംയോജനം .
വിഷ്ണു രാഘവിന്റെ ചിത്രത്തിൽ പ്രവർത്തിക്കാൻ കഴിഞ്ഞതിൽ വലിയ സന്തോഷമുണ്ടെന്നാണ് ഷൂട്ടിംഗ് പൂർത്തിയായ വിവരം അറിയിച്ച് കൊണ്ട് ടൊവിനൊ തോമസ് പറഞ്ഞത്. വളരെ പ്രസക്തമായ ഒരു കാര്യമാണ് ‘വാശി’ പറയുന്നത് എന്നും ടൊവിനൊ വ്യക്തമാക്കിയിരുന്നു.’വാശി’ എന്ന ചിത്രത്തിൽ തന്റെ നായികയായിരുന്ന കീർത്തി സുരേഷിനും ടോവിനോ നന്ദി പറഞ്ഞിരുന്നു.അനു മോഹനും ചിത്രത്തിൽ ഒരു പ്രധാനപ്പെട്ട കഥാപാത്രമായി അഭിനയിക്കുന്നുണ്ട്. ജൂൺ 17ന് ആണ് ചിത്രം റിലീസ് ചെയ്യുക.
