ആളുകളെ കുഴപ്പിക്കുന്ന ഒന്നാണ് ഒപ്റ്റിക്കൽ ഇല്യൂഷൻ ചിത്രങ്ങൾ. അവ മനസിനെ പല രീതിയിലാണ് പരീക്ഷിക്കുന്നത്. ചിലപ്പോൾ മറഞ്ഞിരിക്കുന്ന ചിത്രങ്ങൾ കണ്ടെത്താനോ ചിത്രങ്ങളുടെ വ്യത്യാസം കണ്ടുപിടിക്കാനോ ആവും ഒപ്റ്റിക്കൽ ഇല്യൂഷൻ ആവശ്യപ്പെടുന്നത്. എന്നാൽ ഇതിന് വേണ്ടി ചിലവഴിക്കുന്നതാകട്ടെ മണിക്കൂറുകളും. രസകരമായ ഇവ ഒരു വ്യക്തിയ്ക്ക് ഏകാഗ്രത വർദ്ധിപ്പിക്കാനും സഹായിക്കുന്നു.
ഈ ചിത്രത്തിൽ ഒരു വനം പോലെ തോന്നിക്കുന്ന പുൽത്തകിടിയിൽ ഒരു കടുവ മറഞ്ഞിരിക്കുന്നതായി കണ്ടില്ലേ? അലറുന്ന കടുവ എല്ലാവർക്കും ദൃശ്യമാകുമ്പോൾ ചിത്രത്തിൽ ഒരു കടുവ കൂടി ഉണ്ടെന്നാണ് പ്രത്യേകത. മണിക്കൂറുകൾ ചിലവിട്ടിട്ടും വിരലിലെണ്ണാവുന്നവരാണ് ഒളിച്ചിരിക്കുന്ന കടുവയെ കണ്ടെത്തിയത്. നിങ്ങളും ശ്രമിച്ചു നോക്കൂ.
കടുവയെ കണ്ടുപിടിക്കാൻ കഴിഞ്ഞോ നിങ്ങൾക്ക്? നിങ്ങൾ ഇതുവരെ പരിചയിച്ച ഏതെങ്കിലും ഒപ്റ്റിക്കൽ ഇല്യൂഷൻ തന്ത്രം ഇവിടെ പ്രവർത്തിച്ചോ? മരങ്ങൾക്കിടയിൽ കടുവയുടെ മുഖം കണ്ടെത്താൻ നിങ്ങൾ ശ്രമിച്ചോ? അതോ നിങ്ങൾ ചിത്രം മൊത്തത്തിൽ നോക്കി എല്ലാ ഘടകങ്ങളും സംയോജിപ്പിച്ച് ഒരു കടുവയുടെ മുഖം കണ്ടെത്താൻ ശ്രമിച്ചോ?
എന്നിട്ടും ‘ഒളിഞ്ഞിരിക്കുന്ന കടുവയെ’ കണ്ടെത്താൻ കഴിഞ്ഞില്ലേ? കടുവയെ കണ്ടെത്താൻ ആവശ്യപ്പെട്ട നിമിഷം തന്നെ നമ്മൾ യഥാർത്ഥ മൃഗത്തെ അന്വേഷിച്ചു എന്നതാണ് പ്രശ്നം.
ചിത്രത്തിലെ അലറുന്ന കടുവയുടെ സാന്നിധ്യം, ചിത്രത്തിലെവിടെയോ മറഞ്ഞിരിക്കുന്ന മറ്റൊരു കടുവയാണെന്ന് വിശ്വസിക്കാൻ നിങ്ങളെ നിർബന്ധിച്ചു. പ്രധാന കടുവയിൽ തന്നെ ഒളിഞ്ഞിരിക്കുന്ന കടുവയുണ്ട് എന്നതാണ് വാസ്തവം. ഇനിയും കിട്ടിയില്ലെങ്കിൽ ചുവടെയുള്ള ചിത്രം ശ്രദ്ധിക്കുക.
അതിന്റെ ഫലമായി കടുവയുടെ വരകൾക്കിടയിൽ മറഞ്ഞിരിക്കുന്ന അക്ഷരങ്ങൾ നിങ്ങൾ അവഗണിച്ചുവോ? രസകരവും എന്നാൽ തിരിച്ചറിയാൻ പ്രയാസമുള്ളതുമായ ഒളിഞ്ഞിരിക്കുന്ന കടുവ എന്നർത്ഥം വരുന്ന ‘The HIDDEN TIGER’ എന്ന് കടുവയുടെ ശരീരത്തിലുടനീളം നമുക്ക് അഭിമുഖമായി എഴുതിയിരിക്കുന്നു
Comments