മുംബൈ: ബോളിവുഡ് സംവിധായകനും നിർമ്മാതാവുമായ കരൺ ജോഹറിനെ അധോലോക ഗുണ്ടാസംഘം ലക്ഷ്യമിട്ടിരുന്നതായി വെളിപ്പെടുത്തൽ. പഞ്ചാബി ഗായകനായ സിദ്ദു മൂസെവാലയെ കൊലപ്പെടുത്തിയ പ്രതി സൗരഭ് മഹാകലാണ് പോലീസിനോട് വെളിപ്പെടുത്തൽ നടത്തിയത്. ഗുണ്ടാനേതാവ് ലോറൻസ് ബിഷ്ണോയുടെ സംഘമാണ് കരൺ ജോഹറിനെ ലക്ഷ്യമിട്ടിരുന്നത്. കരൺ ജോഹറിൽ നിന്ന് അഞ്ച് കോടി രൂപ തട്ടിയെടുക്കാനും സംഘം പദ്ധതി ഇട്ടിരുന്നു.
എന്നാൽ പോലീസ് ഇക്കാര്യം സ്ഥിരീകരിച്ചിട്ടില്ല. ബോളിവുഡ് താരം സൽമാൻ ഖാന് നേരത്തെ ഭീഷണിക്കത്ത് അയച്ചതിന് പിന്നിലും ബിഷ്ണോയ് സംഘമാണെന്നാണ് മഹാകലിന്റെ വാദം. സൽമാന്റെ പിതാവ് സലീം ഖാനാണ് കത്ത് നൽകിയത്. പൽഘറിലെ ഫാക്ടറിയിൽ ഈ ഗുണ്ടാ നേതാക്കൾ ജോലി ചെയ്യുന്നുണ്ടെന്ന് വെളിപ്പെടുത്തലിൽ പോലീസ് പരിശോധന നടത്തിയെങ്കിലും ആരേയും കണ്ടെത്താനായില്ല.
