ക്യാമറ വിപണിയിൽ ആഗോള ഭീമനാണ് ക്യാനൻ. കമ്പനിയുടെ പഴയ ചരിത്രം പലപ്പോഴും ക്യാമറ തിരഞ്ഞെടുക്കുമ്പോൾ ഒരു നിർണായക ഘടകമായി മാറാറുണ്ട്. ഇപ്പോഴിതാ ക്യാനൻ EOS R7 ,R 10 എന്ന രണ്ട് പുതിയ എപിഎസ്-സി മിറർലെസ് ക്യാമറകൾ വിപണിയിൽ എത്തിച്ചിരിക്കുകയാണ്.
അറിയാം പുതിയ എപിഎസ്-സി മിറർലെസ് ക്യാമറയായ EOS R7 ന്റെ വിശേഷങ്ങൾ
ക്യാനൻ 7ഡി മാർക്ക് 2 ന് പകരം അവതരിപ്പിച്ചിരിക്കുന്ന ആർ7 ക്യാമറയ്ക്ക് 32.5 എംപി സെൻസറാണുള്ളത്. ക്യാനന്റെ R 5 ക്യാമറകളിലെ അതെ ആർഎഫ് മൗണ്ടാണ് ഇതിലും ഉപയോഗിച്ചിരിക്കുന്നത്. അതിനാൽ തന്നെ ഇതുവരെ ഇറക്കിയിരിക്കുന്ന എല്ലാ ആർഎഫ് മൗണ്ട് ലെൻസുകളും R7 ക്യാമറകളിൽ ഉപയോഗിക്കാം. ഡിജിക് എക്സ് പ്രോസസറാണ് ക്യാമറയ്ക്ക് ശക്തിപകരുന്നത്. R7 ന് 6 സ്റ്റോപ്പ് വരെ സെൻസർ ഷിഫ്റ്റ് ഇമേജ് സ്റ്റബിലൈസേഷനും ഇതിന്റെ സവിശേഷതയാണ്.
ക്യാനന്റെ ആദ്യ എപിഎസ്-സി ക്യാമറകളെക്കാൾ വളരെയധികം മികച്ചതാണ് R7 ന്റെ എഎഫ് സിസ്റ്റം. സബ്ജക്ടിനെ തിരിച്ചറിയാനുള്ള ശേഷി മെച്ചപ്പെടുത്തിയിട്ടുണ്ട്. വിവിധ മുഖം തിരിച്ചറിയൽ, ട്രാക്കിങ് ഫീച്ചറുകളും R7 ൽ ലഭ്യമാണ്.ഡ്യൂവൽ പിക്സൽ ഓട്ടോഫോക്കസ്, സെൻസർ-ഷിഫ്റ്റ് ഇമേജ് സ്റ്റബിലൈസേഷൻ, മെക്കാനിക്കൽ ഷട്ടർ ഉപയോഗിച്ചാൽ സെക്കൻഡിൽ 15 ഫ്രെയിമും, ഇലക്ട്രോണിക് ഷട്ടർ ഉപയോഗിച്ചാൽ സെക്കൻഡിൽ 30 ഫ്രെയിമും വരെ ഷൂട്ടു ചെയ്യാമെന്നത് വന്യജീവി, സ്പോർട്സ് ഫോട്ടോഗ്രഫർമാർക്കിടയിൽ R7 നെ പ്രിയങ്കരനാക്കും.
R7 ന് 2.36-ദശലക്ഷം ഡോട്ട് ഓലെഡ് ഇവിഎഫ് ആണുള്ളത്. ഒപ്പമുള്ള, തിരിക്കാവുന്ന പിൻ എൽസിഡി പാനലിന് 1.62 ദശലക്ഷം പിക്സൽസ് ഉള്ള, 3 ഇഞ്ച് വലുപ്പമുള്ള ടച്സ്ക്രീൻ ആണുള്ളത്. ഇരട്ട UHS-II SD കാർഡ് സ്ലോട്ടും ഉണ്ട്. വെതർ സീലിങ്, യുഎസ്ബി-സി പോർട്ട് തുടങ്ങി പല ഫീച്ചറുകളും ഉണ്ട്. ആർ5, ആർ6 ക്യാമറകളിൽ ഉപയോഗിക്കുന്ന അതേ LP-E6NH ബാറ്ററിയാണ് നൽകിയിരിക്കുന്നത്. ബിൽറ്റ്-ഇൻ ഫ്ളാഷ് R7 ന് ഇല്ല. ഇപ്പോൾ ലഭ്യമായ ഏറ്റവും മികവുറ്റ എപിഎസ്-സി ക്യാമറകളിലൊന്നാണ് ക്യാനൻ EOS R7 എന്നാണ് വിലയിരുത്തൽ
പ്രധാന സവിശേഷതകൾ
- ഡ്യുവൽ പിക്സൽ AF ഉള്ള 32.5MP APS-C CMOS സെൻസർ
- 30 fps വരെ ഷൂട്ടിംഗ് ഇ-ഷട്ടർ, 15f pട മെക്കാനിക്കൽ
- 7 സ്റ്റോപ്പുകൾ വരെ റേറ്റുള്ള ഇൻ-ബോഡി ഇമേജ് സ്റ്റെബിലൈസേഷൻ
- 30p വരെ ഓവർസാമ്പിൾ ചെയ്ത UHD 4K, ലൈൻ-സ്കിപ്പ് അല്ലെങ്കിൽ ക്രോപ്പ് ചെയ്ത 4K/60p
- 2.36M ഡോട്ട് OLED വ്യൂഫൈൻഡർ
- 1.62M ഡോട്ട് പൂർണ്ണമായി വ്യക്തമാക്കുന്ന ടച്ച്സ്ക്രീൻ
- ഇരട്ട UHS-II SD കാർഡ് സ്ലോട്ട്
ഇന്ത്യയിൽ EOS R7 ബോഡിക്കു മാത്രം 1,27,995 രൂപയാണ്. എന്നാൽ, 18-150 എംഎം കിറ്റ് ലെൻസും വേണമങ്കിൽ വില 1,64,995 രൂപയാകും.
