ചെന്നൈ:: നടനും ഡിഎംഡികെ നേതാവുമായ വിജയ്കാന്തിന്റെ കാൽവിരലുകൾ മുറിച്ചുമാറ്റി. പ്രമേഹം മൂർച്ഛിച്ചതിനെ തുടർന്നാണ് നടന്റെ മൂന്ന് കാൽവിരലുകൾ ശസ്ത്രക്രിയയിലൂടെ നീക്കം ചെയ്തത്. തിങ്കളാഴ്ചയായിരുന്നു ശസ്ത്രക്രിയ.
നിലവിൽ അദ്ദേഹത്തിന്റെ ആരോഗ്യനില തൃപ്തികരമാണെന്നാണ് ആശുപത്രി അധികൃതർ നൽകുന്ന വിവരം. പ്രമേഹം കൂടിയ വിജയകാന്ത് നിരവധി ആരോഗ്യപ്രശ്നങ്ങൾ നേരിട്ടിരുന്നു. തുടർന്ന് ശരീരത്തിന്റെ വലതുഭാഗത്തേക്ക് രക്തയോട്ടം കുറഞ്ഞു. ഇതോടെയാണ് ഡോക്ടർമാർ കാൽവിരലുകൾ മുറിച്ചുമാറ്റിയത്.
ചികിത്സയിൽ കഴിയുന്ന വിജയകാന്ത് സുഖം പ്രാപിച്ച് വരികയാണെന്നും അധികം വൈകാതെ ആശുപത്രി വിടുമെന്നുമാണ് വിവരം. നേരത്തെ ചികിത്സയുടെ ഭാഗമായി അദ്ദേഹം വിദേശത്തേക്ക് പോയിരുന്നു.
Comments