സ്പോർട്സ് കാറുകൾ നിർമ്മിക്കുന്നതിൽ 75 വർഷം തികയുകയാണ് ജാഗ്വാർ. മികച്ച വാഹനങ്ങൾ നിർമ്മിക്കുന്നതിൽ ജാഗ്വാർ മുന്നിൽ തന്നെയാണ്. തങ്ങളുടെ എഴുപത്തിയഞ്ചാം വാർഷികം വലിയ ആഘോഷമാക്കാന് ഒരുങ്ങുകയാണ് കമ്പനി. വാർഷികത്തോടനുബന്ധിച്ച് ജാഗ്വാർ ആരാധകർക്ക് വലിയ ഒരു സമ്മാനം നൽകാനുള്ള തയ്യാറെടുപ്പിലുമാണ് കമ്പനി. ഈ വർഷം അവസാനത്തോടെ ജാഗ്വാർ അവരുടെ എഫ്-ടൈപ്പിന്റെ ഒരു പ്രത്യേക മോഡൽ അവതരിപ്പിക്കുമെന്ന് ഹിന്ദുസ്ഥാൻ ടൈംസ് ഓട്ടോ റിപ്പോര്ട്ട് ചെയ്യുന്നു. മാത്രമല്ല, ഈ മോഡൽ ബ്രാൻഡിൽ നിന്നുള്ള അവസാന ആന്തരിക ജ്വലന സ്പോർട്സ് കാറായിരിക്കും എന്നാണ് ലഭിക്കുന്ന വിവരം.
കമ്പനിയുടെ അവസാന ആന്തരിക ജ്വലന എഞ്ചിനായിരിക്കും എഫ്-ടൈപ്പ് എന്നും ഒരു അത്ഭുതകരമായ ആഘോഷമായിരിക്കും എഴുപത്തിയഞ്ചാം വാർഷികത്തോടനുബന്ധിച്ച് നടക്കുന്നതെന്നും കമ്പനി പറയുന്നു. ഭാവിയിൽ കമ്പനി ഇലക്ട്രിക് കാറുകളിലേയ്ക്ക് കടക്കാനാണ് തീരുമാനം. ഭാവിയിലെ ജാഗ്വാർ മോഡലുകൾ നിലവിൽ വികസിപ്പിച്ചുകൊണ്ടിരിക്കുന്ന ഒരു പുതിയ ഇലക്ട്രിക് വാഹന പ്ലാറ്റ്ഫോം ഉപയോഗിക്കും. ഇതിന്റെ ടെസ്റ്റ് മോഡലുകൾ ഉടൻ തന്നെ പുറത്തിറക്കാനാണ് കമ്പനി തീരുമാനിക്കുന്നത്. ഇലക്ട്രിക് കാറുകളുടെ ഭാവിയിൽ ജാഗ്വാർ മികച്ച രീതിയിൽ മുന്നേറാനുള്ള ശ്രമത്തിന്റെ ഭാഗമാണ് പുതിയ ഇലക്ട്രിക് കാറുകൾ രൂപകല്പന ചെയ്ത് വിൽക്കാനുള്ള നീക്കം.
കമ്പനിയുടെ ഭാവി പദ്ധതികളെ കുറിച്ചോ നിർമ്മിക്കാൻ പോകുന്ന ഇലക്ട്രിക് കാറുകളെ പറ്റിയോ ജാഗ്വാറ് കൂടുതൽ വെളിപ്പെടുത്തലുകൾ നടത്തിയിട്ടില്ല. ഇലക്ട്രിക് കാറുകളുടെ നിരയിലേയ്ക്ക് ജഗ്വാർ കമ്പനിയും ശക്തമായി കടന്നുവരും എന്നാല്ലാതെ മറ്റൊരു റിപ്പോർട്ടും പുറത്ത് വന്നിട്ടില്ല. അതേസമയം കമ്പനിയുടെ പുതിയ ലാൻഡ് റോവർ ഡിഫെൻഡർ 130 മൂന്ന്-വരി എസ്യുവി പ്രൊമോട്ട് ചെയ്യുന്നതിനായി പ്രവർത്തിക്കുന്നുവെന്നും ബൊല്ലോറെ പറഞ്ഞു. ജാഗ്വാറിന് ഇതിനകം തന്നെ ഐ പേസ് എസ്യുവി എന്ന ഒരു ഇലക്ട്രിക് വാഹനം ഉണ്ട്. അത് നിലവിലെ നിരയിൽ തുടരുകയും ബ്രാൻഡിനുള്ള വിടവ് നികത്തുകയും ചെയ്യും. പിന്നാലെ ബ്രാൻഡിന്റെ നിലവിലെ ആന്തരിക ജ്വലന എഞ്ചിൻ വാഹനങ്ങൾ പതിയെ വൈദ്യുത വാഹനങ്ങളായി പരിണമിക്കുമെന്ന് കമ്പനി പറയുന്നു.
Comments