വിവാഹത്തിന് മുൻപ് ലൈംഗികബന്ധം നിരസിക്കുന്നത് യഥാർത്ഥ സ്നേഹത്തിന്റെ അടയാളമെന്ന് ഫ്രാൻസിസ് മാർപ്പാപ്പ. ഒരു പൊതു സദസിൽ മാതൃത്വത്തെ കുറിച്ച് സംസാരിക്കുന്നതിനിടെയാണ് അദ്ദേഹത്തിന്റെ ഈ പരാമർശം.ലൈംഗിക പിരിമുറുക്കമോ സമ്മർദ്ദമോ കാരണം ഇന്നത്തെ ബന്ധങ്ങൾ പെട്ടെന്ന് തകരുന്നുവെന്നും അദ്ദേഹം ചൂണ്ടിക്കാട്ടി.
സന്തോഷകരവും വിജയകരവുമായ കുടുംബ ബന്ധത്തിന് പാലിക്കേണ്ട കാര്യങ്ങളെക്കുറിച്ച് സംസാരിക്കുമ്പോഴായിരുന്നു മാർപാപ്പയുടെ വാക്കുകൾ. ലൈംഗീക സമ്മർദ്ദത്തിൽ നിരവധി ബന്ധങ്ങൾ തകരുന്നത് ഇന്ന് പതിവാണെന്ന് പരാമർശിച്ചായിരുന്നു മാർപാപ്പയുടെ വാക്കുകൾ.
വിവാഹത്തിന് മുമ്പ് ലൈംഗിക ബന്ധത്തിൽ നിന്ന് വിട്ടുനിൽക്കുന്നത് യഥാർത്ഥ സ്നേഹത്തിന്റെ അടയാളമാണെന്നും യുവസമൂഹത്തെ അവരുടെ സൗഹൃദത്തിന്റെ ആഴം വർദ്ധിപ്പിക്കാനും ദൈവകൃപ സ്വീകരിക്കാനും സമയം കണ്ടെത്തുന്നതിന് ഇത് സഹായിക്കുമെന്നും മാർപ്പാപ്പ പറഞ്ഞു.
ഒരു കുട്ടി ഉണ്ടാകുന്നത് വലിയ അപകടമായി തോന്നിയേക്കാം, അതിലും അപകടമാണ് കുട്ടികൾ ഉണ്ടാകാതിരിക്കുന്ന അവസ്ഥ എന്നും മാതാപിതാക്കളാകാൻ തയ്യാറെടുക്കുന്നവരോടായി അദ്ദേഹം കൂട്ടിച്ചേർത്തു.
