അട്ടപ്പാടിയില് വനവാസി യുവാവ് മധുവിനെ മോഷണക്കുറ്റം ആരോപിച്ച് ആള്ക്കൂട്ടം മര്ദ്ദിച്ച് കൊലപ്പെടുത്തിയ കേസിലെ സ്പെഷ്യല് പബ്ലിക് പ്രോസിക്യൂട്ടര് അഡ്വ.സി. രാജേന്ദ്രനാണ് രാജിവെച്ചത്. വ്യക്തിപരമായ കാരണങ്ങള്ക്കൊണ്ടാണ് രാജി എന്നാണ് വിശദീകരണം. പുതിയ പോസിക്യൂട്ടറായി അഡ്വ. രാജേഷ് എം. മേനോനെ നിയമിച്ചു.
സ്പെഷ്യല് പ്രോസിക്യൂട്ടര് ആയിരുന്ന അഡ്വ.സി.രാജേന്ദ്രനെ മാറ്റണമെന്നാവശ്യപ്പെട് മധുവിന്റെ അമ്മ മല്ലി ഹൈക്കോടതിയെ സമീപിച്ചിരുന്നു. മണ്ണാര്ക്കാട് പട്ടികജാതി-പട്ടികവര്ഗ്ഗ പ്രത്യേക കോടതിയില് നടന്നു വന്ന വിചാരണയില് രണ്ടു പ്രധാന സാക്ഷികള് കൂറുമാറിയ സാഹചര്യത്തിലാണ് പ്രോസിക്യൂട്ടറെ മാറ്റണമെന്ന ആവശ്യവുമായി മധുവിന്റെ കുടുംബം രംഗത്തെത്തിയത്. കുടുംബത്തിന്റെ ഈ ആവശ്യം വിചാരണ കോടതി തള്ളിയതിനെ തുടര്ന്ന് അമ്മ മല്ലി ഹൈക്കോടതിയെ സമീപിക്കുകയായിരുന്നു. സാക്ഷികളെ കൂറുമാറ്റുന്നതില് പ്രതിഭാഗം വിജയിച്ചെന്നും ഇതേ പ്രോസിക്യൂട്ടര് വാദിച്ചാല് തങ്ങള് തോറ്റു പോകുമെന്നും മധുവിന്റെ അമ്മ പറഞ്ഞിരുന്നു. തുടര്ന്ന് ഹൈക്കോടതി വിചാരണ നടപടികള് സ്റ്റേ ചെയ്തിരുന്നു. പുതിയ പ്രോസിക്യൂട്ടറായി അഡ്വ. രാജേഷ് എം മേനോനെ നിയമിക്കണമെന്ന് ഹര്ജിയില് മധുവിന്റെ കുടുംബം ആവശ്യപ്പെട്ടിരുന്നു.
