ന്യൂഡല്ഹി: ചരക്ക് സേവന നികുതി (ജിഎസ്ടി) 1.45 ലക്ഷം കോടി ആയി ഉയര്ന്നെന്ന് കേന്ദ്ര ധനകാര്യമന്ത്രി നിര്മലാ സീതാരാമന്. പ്രതിമാസ വരുമാനത്തിലെ രണ്ടാമത്തെ ഉയര്ന്ന വരുമാനവും മുന് വര്ഷത്തെക്കാള് 56 ശതമാനം കൂടുതലുമാണ് ജൂണിലെ വരുമാനം.ജിഎസ്ടി യുടെ അഞ്ചാം വാര്ഷികത്തില് അഭിസംബോധന ചെയ്യുകയായിരുന്നു ധനകാര്യമന്ത്രി.
പ്രതിമാസ വരുമാനം മെയില് 1.41 ലക്ഷം കോടി ആയിരുന്നു. 1.40 ലക്ഷം കോടിയ്ക്ക് മുകളിലാണ് മാര്ച്ചു മുതല് വരുമാനം. ഈ തുകയ്ക്ക് താഴെ ഇനി വരുമാനം പോകില്ലെന്നും ഇതില് കൂടുതലായിരിക്കും ജിഎസ്ടി വരുമാനം എന്നും വ്യക്തമാക്കി. മുന് വര്ഷങ്ങളില് കുറവ് വരുമാനം ലഭിച്ചിരുന്ന മാസമായിരുന്നു ജൂണ്. എന്നാല് അത്തരം പ്രവണതയ്ക്ക് മാറ്റമുണ്ടയെന്നും സര്ക്കാര് വ്യക്തമാക്കി. ജിഎസ്ടി അവതരിപ്പിച്ചതിന് ശേഷമുള്ള ഏറ്റവും കൂടിയ സെസ് ശേഖരണമാണ് ജൂണില് ലഭിച്ചത്.
കേന്ദ്ര ചരക്ക് സേവന നികുതി( സിജിഎസ്ടി) വരുമാനം 25,306 കോടിയും സംസ്ഥാന ചരക്ക് സേവന നികുതി( എസ്ജിഎസ്ടി) 32,406 കോടിയും സംയോജിത സേവന നികുതി ഇനത്തില് 75,887 കോടിയും ജിഎസ്ടി കോമ്പന്സേഷന് സെസ് ഇനത്തില് 11,018 കോടിയും ലഭിച്ചു. സംയോജിത സേവന നികുതി ഇനത്തില് നിന്നും 29,588 കോടി രൂപ സിജിഎസ്ടിയ്ക്കും 24,235 കോടി രൂപ എസ്ജിഎസ്ടി യ്ക്കും നല്കി.
സാമ്പത്തിക പ്രതിസന്ധിയില് നിന്നും കരകയറാന് നികുതി വരുമാനം സഹായിക്കുമെന്നും ഇന്വെസ്റ്റ്മെന്റ് ഇന്ഫോര്മേഷന് അന്റ് ക്രഡിറ്റ് റെയിറ്റിംഗ് ഏജന്സി ഓഫ് ഇന്ത്യ ലിമിറ്റഡിലെ സാമ്പത്തിക വിദഗ്ദ്ധന് വ്യക്തമാക്കി. അടുത്ത സാമ്പത്തിക വര്ഷം ജിഎസ്ടി വരുമാനത്തില് 17 ശതമാനത്തോളം വര്ദ്ധന ഉണ്ടായാല് കോമ്പന്സേഷന് സെസ് പല സംസ്ഥാനങ്ങളിലും ഒഴിവാക്കാമെന്നും സൂചിപ്പിച്ചു.
