ഹൈദരാബാദ്: ഭാരതീയ ജനതാ പാര്ട്ടി യുടെ ദ്വിദിന ദേശീയ നിര്വാഹക സമിതി യോഗത്തിന് ഹൈദരാബാദില് ഇന്ന് തുടക്കമാകും. ബിജെപി ദേശീയ അധ്യക്ഷന് ജെപി നദ്ദ, പ്രധാനമന്ത്രി നരേന്ദ്ര മോദി, ആഭ്യന്തരമന്ത്രി അമിത് ഷാ, 19 സംസ്ഥാനങ്ങളിലെ മുഖ്യമന്ത്രിമാര്, മുതിര്ന്ന നേതാക്കള് തുടങ്ങിയവര് യോഗത്തില് പങ്കെടുക്കും. യോഗത്തിന്റെ ഭാഗമായി റാലിയും നടത്തും.
ദേശീയ ജനറല് സെക്രട്ടറിമാരുടെയും ദേശീയ ഭാരവാഹികളും ഇന്ന് നടക്കുന്ന യോഗത്തില് പങ്കെടുക്കും. നാളെ യോഗത്തിന്റെ ഭാഗമായി പരേഡ് ഗ്രൗണ്ടില് പ്രധാനമന്ത്രി രാജ്യത്തെ അഭിസംബോധന ചെയ്യും. പാര്ട്ടി വിപുലീകരണം എന്നതാകും പ്രധാന അജണ്ടയെന്ന് മുതിര്ന്ന നേതാവ് അറിയിച്ചു. ഏത് മേഖലയിലാണ് കൂടുതല് പ്രവര്ത്തകരെ നിയമിക്കേണ്ടതെന്നും ചര്ച്ച ചെയ്യും.
ഹൈദരാബാദ് നഗരത്തില് മെഗാഷോയുടെ ഭാഗമായി ബിജെപിയുടെ കൊടികളും ബാനറുകളും സ്ഥാപിച്ചിട്ടുണ്ട്. കുങ്കുമപ്പൂ കൊണ്ട് പ്രദേശമാകെ അലങ്കരിച്ചിട്ടുണ്ട്. കേന്ദ്ര സര്ക്കാരിന്റെ നേട്ടങ്ങള് പ്രദര്ശിപ്പിക്കുന്ന പോസ്റ്ററുകളുമുണ്ട്. നഗരത്തിന്റെ മുക്കിലും മൂലയിലും കട്ട്ഔട്ടുകളും ബാനറുകളും കൊണ്ട് അലങ്കരിച്ചിട്ടുണ്ട്.
18 വര്ഷങ്ങള്ക്ക് ശേഷമാണ് ഹൈദരാബാദ് ദേശീയ നിര്വാഹക സമിതി സമ്മേളനത്തിന് വേദിയാകുന്നത്. 119 നിയോജക മണ്ഡലങ്ങളിലെ നേതാക്കള് ഉള്പ്പെടെ പങ്കെടുക്കുന്ന വന് റാലിയ്ക്കാണ് ഹൈദരാബാദ് സാക്ഷ്യം വഹിക്കാന് പോകുന്നത്. മുന് ദേശീയ നിര്വാഹകസമിതി യോഗങ്ങളുടെ ഫോട്ടോ പ്രദര്ശനം വൈകിട്ട് ആറിനു നടക്കും.
വരുന്ന മൂന്ന് ദിവസങ്ങള് വളരെ സുപ്രധാനമാണെന്നും ബിജെപിയ്ക്ക് അനുകൂലമായി ആളുകള് ചിന്തിച്ച് തുടങ്ങാന് സമ്മേളനം സഹായകമാകുമെന്നും തെലങ്കാന ബിജെപി വക്താവ് എന്വി സുഭാഷ് പറഞ്ഞു.തെലങ്കാന മുന് എംപി കെ വിശ്വവേശ്വര് റെഡ്ഡി ബിജെപിയില് ചേരുമെന്ന് അറിയിച്ചിട്ടുണ്ട്. ഹൈദരാബാദില് ഇത്തരത്തിലൊരു റാലി നടത്തുന്നതില് അഭിമാനമുണ്ടെന്നും അദ്ദേഹം വ്യക്തമാക്കി.
