ആശിർവാദ് സിനിമാസിന് കേന്ദ്ര സർക്കാർ അംഗീകാരം. കൃത്യമായി നികുതിയടച്ചതിനുള്ള അംഗീകാരമാണ് ആശീർവാദിനെ തേടിയെത്തിയത്. ഔദ്യോഗിക ഫേസ്ബുക്ക് പേജിലൂടെ ആശീർവാദ് സിനിമാസാണ് ഈ വിവരം അറിയിച്ചത്.
”നിങ്ങളോടൊപ്പം സഞ്ചരിക്കാനും രാഷ്ട്രനിർമ്മാണത്തിന്റെ ഭാഗമാകാനും ഞങ്ങളെ അനുവദിച്ചതിൽ അഭിമാനിക്കുന്നു” കേന്ദ്ര സർക്കാരിന് നന്ദിയറിയിച്ചുകൊണ്ട് പങ്കുവെച്ച കുറിപ്പിൽ ആശിർവാദ് സിനിമാസ് വ്യക്തമാക്കി. ആഭ്യന്തര ധനവകുപ്പിന്റെ സെൻട്രൽ ബോർഡ് ഓഫ് ഇൻഡയറക്റ്റ് ടാക്സസ് ആൻഡ് കസ്റ്റംസ് നൽകിയ സർട്ടിഫിക്കറ്റും പോസ്റ്റ് ചെയ്തിട്ടുണ്ട്. നിർമ്മാതാവ് ആന്റണി പെരുമ്പാവൂരും സന്തോഷം പങ്കുവെച്ചുകൊണ്ട് രംഗത്തെത്തിയിട്ടുണ്ട്.
നിരവധി ഗംഭീര ചിത്രങ്ങൾ മലയാളികൾക്ക് സമ്മാനിച്ച കമ്പനിയാണ് ആശിർവാദ് സിനിമാസ്. ആന്റണി പെരുമ്പാവൂരിന്റെ ഉടമസ്ഥതയിലുള്ള കമ്പനി മുപ്പതിലധികം ചിത്രങ്ങൾ നിർമ്മിച്ചിട്ടുണ്ട്. മോഹൻലാൽ- ജീത്തു ജോസഫ് കൂട്ടുകെട്ടിലിറങ്ങിയ 12ത് മാൻ ആണ് ആശീർവാദിന്റേതായി ഒടുവിൽ പുറത്തിറങ്ങിയ ചിത്രം.
Comments