ന്യൂഡൽഹി : മുംബൈയിലെ ഛത്രപതി ശിവജി മഹാരാജ് ടെർമിനസിൽ സ്ലീപ്പിംഗ് പോഡ് ഹോട്ടൽ ആരംഭിച്ച് ഇന്ത്യൻ റെയിൽവേ. യാത്രക്കാർക്ക് എല്ലാ വിധത്തിലുമുള്ള താമസസൗകര്യം ഒരുക്കുന്ന പോഡുകളാണ് പ്രവർത്തനമാരംഭിച്ചിരിക്കുന്നത്. കേന്ദ്ര റെയിൽവേ മന്ത്രി ഇതിന്റെ ചിത്രങ്ങൾ ട്വിറ്ററിലൂടെ പങ്കുവെച്ചിട്ടുണ്ട്.
നിങ്ങളുടെ സേവനത്തിനായി ആധുനിക സൗകര്യങ്ങൾ ഒരുക്കിയിരിക്കുന്നതായി അദ്ദേഹം ട്വിറ്ററിൽ കുറിച്ചു.
New-age facilities at your service.
Sleeping Pods at Chhatrapati Shivaji Maharaj Terminus Railway station. pic.twitter.com/x5dflcNrzB— Ashwini Vaishnaw (@AshwiniVaishnaw) July 3, 2022
30 സിംഗിൾ പോഡുകൾ, 6 ഡബിൾ പോഡുകൾ, നാല് ഫാമിലി പോഡുകൾ എന്നിവയുൾപ്പെടെ 40 പോഡുകൾ യാത്രക്കാർക്കായി ആരംഭിച്ചിട്ടുണ്ടെന്ന് സെൻട്രൽ റെയിൽവേയുടെ ചീഫ് പബ്ലിക് റിലേഷൻസ് ഓഫീസർ ശിവാജി സുതാർ പറഞ്ഞു. മുഴുവനായും എയർകണ്ടീഷൻ ചെയ്ത പോഡ് ഹോട്ടൽ യാത്രക്കാർക്ക് മൊബൈൽ ചാർജിംഗ്, ലോക്കർ റൂം, ഡീലക്സ് ടോയ്ലറ്റ്, ബാത്ത്റൂം ഉൾപ്പെടെയുള്ള സൗകര്യങ്ങളും പ്രദാനം ചെയ്യും. ആറ് മുതൽ എട്ട് അടിവരെയാണ് ഇതിന്റെ വലുപ്പം. ഇന്റർകോം, ഫയർ അലാം എന്നീ സേവനങ്ങളും ലഭ്യമാണ്.
സിഎസ്എംടിയിലെ കാത്തിരിപ്പ് മുറിക്ക് സമീപമാണ് ഹോട്ടൽ. ഈ സ്ലീപ്പിംഗ് പോഡ് ഹോട്ടലുകളിൽ ഓൺലൈനായോ(ആപ്പ് വഴിയോ) നേരിട്ടെത്തിയോ ബുക്ക് ചെയ്യാൻ സാധിക്കുമെന്ന് സുതാർ കൂട്ടിച്ചേർത്തു.
Comments