ഭോപ്പാൽ: മഹാകാളിയ്ക്കെതിരെ അധിക്ഷേപകരമായ പരാമർശം നടത്തിയ സംഭവത്തിൽ തൃണമൂൽ കോൺഗ്രസ് എംപി മഹുവ മൊയ്ത്രയ്ക്കെതിരെ കേസ്. മദ്ധ്യപ്രദേശ് പോലീസ് ആണ് മഹുവയ്ക്കെതിരെ കേസ് എടുത്തത്. പരാമർശത്തിൽ മഹുവയ്ക്കെതിരെ നിരവധി പരാതികൾ പോലീസിന് ലഭിച്ചിരുന്നു. ഇതിന്റെ അടിസ്ഥാനത്തിലാണ് കേസ് എടുത്തത്.
മദ്ധ്യപ്രദേശ് പോലീസിലെ ക്രൈംബ്രാഞ്ച് വിഭാഗമാണ് കേസ് രജിസ്റ്റർ ചെയ്തിരിക്കുന്നത്. ഇന്ത്യൻ ശിക്ഷാ നിയമത്തിലെ 295 എ പ്രകാരമാണ് കേസ് എടുത്തിരിക്കുന്നത്. കേസ് എടുത്ത സാഹചര്യത്തിൽ എംപിയെ ഉടൻ കസ്റ്റഡിയിൽ എടുത്തേക്കുമെന്നാണ് സൂചന.
മഹാകാളിയെ അധിക്ഷേപിച്ചുകൊണ്ടുള്ള പരാതിയിൽ മഹുവയ്ക്കെതിരെ ശക്തമായ പ്രതിഷേധമാണ് രാജ്യത്തിന്റെ വിവിധ ഭാഗങ്ങളിൽ നിന്നും ഉയരുന്നത്. ഇതിനിടെയാണ് പരാതികളിൽ നടപടി സ്വീകരിക്കാൻ പോലീസ് ആരംഭിച്ചിരിക്കുന്നത്. പശ്ചിമ ബംഗാളിൽ ബിജെപി മഹുവയ്ക്കെതിരെ രണ്ട് പരാതികൾ നൽകിയിട്ടുണ്ട്. ഉടനെ ഇതിലും നടപടി സ്വീകരിക്കുമെന്നാണ് വിവരം.
Comments