തിരുവനന്തപുരം: ഒളിമ്പ്യന് പി.ടി.ഉഷയ്ക്കും, കെ.കെ.രമ എംഎല്എയ്ക്കുമെതിരെ എളമരം കരീം നടത്തിയ അധിക്ഷേപ പരാമര്ശങ്ങള്ക്കെതിരെ രൂക്ഷ വിമര്ശനവുമായി കോണ്ഗ്രസ് നേതാവ് കെ.മുരളീധരന്. എളമരം കരീമിന്റെ കഴിഞ്ഞ ദിവസങ്ങളിലെ പ്രസ്താവനകള് പിണറായിസത്തിന്റെ വികൃതമുഖമാണ് വ്യക്തമാക്കുന്നതെന്ന് മുരളീധരന് ആരോപിച്ചു. പി.ടി ഉഷ ഏതെങ്കിലും പാര്ട്ടിയുടെ ആളല്ല. പി.ടി ഉഷയുടെ നോമിനേഷന് വിമര്ശിക്കേണ്ടതില്ല. അത് അഭിനന്ദനാര്ഹമായ കാര്യമാണ്. കരീമിന്റെ ഭാഷ ശരിയായില്ല. ദുഷ്ടലാക്കോടെയുള്ള തരം താണ പ്രസ്താവനയാണ് കരീം നടത്തിയതെന്നും മുരളീധരന് പറഞ്ഞു.
കെ.കെ രമയ്ക്കെതിരായ വിമര്ശനത്തേയും മുരളീധരന് വിമര്ശിച്ചു. ടി.പിയുടെ ചോരക്കറ ഇപ്പോഴും കമ്യൂണിസ്റ്റ് പാര്ട്ടിയുടെ കയ്യിലുണ്ട്. സഹപ്രവര്ത്തകനെ കൊന്നതും പോര, ഭാര്യയെ ഒറ്റുകാരിയുമാക്കി മാറ്റുകയാണ് കരീം. രമ വീണ്ടും മത്സരിച്ച് ജയിക്കും എന്നതിലെ വെപ്രാളമാണ് കരീമിന്.
ചിന്തന് ശിബിരത്തിനിടയില് ഉയര്ന്ന പീഡന പരാതിയിലും അദ്ദേഹം നിലപാട് വ്യക്തമാക്കി. സ്വന്തം അഴിമതി മറയ്ക്കാനാണ് പ്രതിപക്ഷത്തെ കുറ്റപ്പെടുത്തുന്നത്. ചിന്തന് ശിബിരത്തിലെ പീഡനം പരാതി ലഭിച്ചാല് ഉടന് തന്നെ പോലീസിന് കൈമാറും. കുറ്റക്കാരെ സംരക്ഷിക്കില്ല. തിരിച്ചെടുത്തു സ്ഥാനമാനങ്ങള് നല്കുന്ന ശീലം കോണ്ഗ്രസ്സിനില്ല. എല്ലാ പാര്ട്ടിയിലും ഞരമ്പ് രോഗികള് ഉണ്ടെന്നും മുരളീധരന് പറഞ്ഞു.
Comments