ലണ്ടൻ: വിംബിൾഡൺ വനിതാ കിരീടം കസാഖിസ്ഥാന്റെ എലേന റൈബാക്കിനയ്ക്ക്. ലോക രണ്ടാം നമ്പർ ടുണീഷ്യയുടെ ഓൺസ് ജാബ്യൂറിനെയാണ് 23 കാരിയായ എലേന അട്ടിമറിച്ചത്. ഇരുവരും ആദ്യമായാണ് ഒരു ഗ്രാൻഡ് സ്ലാം ഫൈനലിൽ കളിക്കുന്നത്.
2011ന് ശേഷം കിരീടം നേടുന്ന പ്രായം കുറഞ്ഞ താരമായി എലേന മാറി. ആദ്യ സെറ്റ് 3-6ന് കൈവിട്ട ശേഷം ശക്തമായ തിരിച്ചുവരവിലൂടെ 6-2, 6-2നാണ് 17-ാം സീഡ് എലേന കിരീടം സ്വന്തമാക്കിയത്.
സെന്റർ കോർട്ട് മത്സരങ്ങളുടെ ശതാബ്ദി വർഷം സാക്ഷിയായത് തനി പുതിയ ഒരു കിരീട ജേതാവിനെയാണ്. ആഫ്രിക്കയിലേയ്ക്ക് ആദ്യമായി വിംബിൾഡൺ എത്തിക്കാമെന്ന ജാബ്യൂറിന്റെ മോഹമാണ് റഷ്യയിൽ ജനിച്ച കസാഖിസ്ഥാൻ വംശജ ജയിച്ചത്.
