ലണ്ടൻ: നോട്ടിംഗ്ഹാമിൽ ഇംഗ്ലണ്ടിന് മികച്ച സ്കോർ. മൂന്നാമത്തെ ടി20യിൽ 7 വിക്കറ്റിന് 215 റൺസാണ് ആതിഥേയർ അടിച്ചുകൂട്ടിയത്. 77 റൺസ് നേടിയ ഡേവിഡ് മലാനും പുറത്താകാതെ 42 റൺസ് നേടിയ ലിയാം ലിവിംഗ്സ്റ്റണുമാണ് ഇംഗ്ലണ്ടിന് മികച്ച സ്കോർ സമ്മാനിച്ചത്. ഇന്ത്യൻ പേസ് കരുത്തകായ ഭുവനേശ്വർ കുമാറിനേയും ബുംമ്രയേയും കളിപ്പിക്കാതിരുന്നത് തുടക്കത്തിലേ മുതലാക്കിയാണ് ഇംഗ്ലണ്ട് സ്കോർ ചലിപ്പിച്ചത്.
ജാസൺ റോയ്(27), ജോസ് ബട്ലർ(18) എന്നിവർ ശ്രദ്ധയോടെ തുടങ്ങിയതിനെ ഏറ്റെടുത്ത മലാൻ കത്തിക്കയറുകയായിരുന്നു. 5 സിക്സറും 6 ഫോറുമടക്കമാണ് 39 പന്തിൽ മലാൻ 77 റൺസ് നേടിയത്. മദ്ധ്യനിരയിൽ ഇന്ന് അവസരം ലഭിച്ച ഫില്ഡ സാൾട്ടും(8) കഴിഞ്ഞ മത്സരത്തിൽ തകർത്തടിച്ച മൊയീൻ അലിയും(0) പെട്ടന്ന് പുറത്തായി. മലാന് പിന്തുണയുമായി ലിവിംഗ്സറ്റൺ എത്തിയതോടെ അവസാന ഓവറുകളിൽ സ്കോർ അതിവേഗം കയറി. മലാന് സേഷം ഹാരീ ബ്രൂക്ക്(19), ക്രിസ് ജോർദ്ദാൻ(11) എന്നിവർ പുറത്തായെങ്കിലും ലിവിംഗസ്റ്റൺ ഉറച്ചുനിന്നു. അവസാന നാല് ഓവറുകളിൽ 60 റൺസിനടുത്താണ് ഇംഗ്ലണ്ട് അടിച്ചെടുത്തത്.
ഇന്ത്യയ്ക്കായി രവി ബിഷ്ണോയിയും ഹർഷൽ പട്ടേലും രണ്ടു വിക്കറ്റുകൾ വീഴ്ത്തിയപ്പോൾ ആവേശ ഖാനും ഉമ്രാൻ മാലിക്കും ഒരോ വിക്കറ്റുകൾ നേടി.
Comments