ബാഴ്‌സലോണ [ സ്പെയിൻ ] : ബയേൺ മ്യൂണിക് താരം റോബർട്ട് ലവൻഡോസ്‌കി ഇനി മുതൽ ബാഴ്‌സലോണയിൽ കളിക്കും . കളിച്ച കളികളിലെല്ലാം മിന്നുന്ന പ്രകടനമാണ് കാഴ്ചവെച്ചത് . ബാഴ്‌സലോണ 42 മില്യൺ പൗണ്ടിനാണ് താരത്തെ വാങ്ങിയതെന്നാണ് പറയുന്നത് . പുതിയ ക്ളബ്ബു്മായി കരാർ ഒപ്പിടുന്നതിന് മുൻപ് വിദഗ്ധ വൈദ്യ പരിശോധനക്കായി ശനിയാഴ്ച അദ്ദേഹം സ്പെയിനിലേക്ക് പോകും .
എന്നാൽ ബയേണുമായി ഇനി ഒരു വർഷത്തെ കരാർ കൂടി ഉള്ളപ്പോഴാണ് ഇത്തരം ഒരു തീരുമാനത്തിലേക്ക് താരം എത്തുന്നത് . അതിനദ്ദേഹം പറയുന്നത് ഞാൻ മറ്റു അവസരങ്ങൾക്കായി കാത്തിരിക്കുകയാണ് . ബാഴ്‌സലോണയിലെ എന്റെ കളി എന്നിലെ കാല്പന്തുകളിക്കാരനെ കൂടുതൽ കരുത്തനാക്കി തീർക്കുമെന്നാണ് . ബയേണിൽ തൻ കളിച്ചപ്പോൾ ഉണ്ടായതിനേക്കാൾ വേറിട്ടൊരനുഭവം എനിക്ക് ബാഴ്‌സയിൽ ലഭിക്കും.അവിടുത്തെ പരിശീലനം എനിക്കൊരുപാട് കാര്യങ്ങൾ പഠിക്കാൻ അവസരം ഒരുക്കും . 33 വയസ്സായ ലവൻഡോസ്‌കി ബയേൺ മ്യൂണിക്കിനൊപ്പം ഒട്ടനവധി നേട്ടങ്ങൾ കൊയ്ത താരമായിരുന്നു . 8 ലീഗ് കിരീടങ്ങളും , 1 ചാംപ്യൻസ് ലീഗ് ട്രോഫിയും നേടി .ബുണ്ടസ്ലീഗയിൽ കളിച്ച 384 മത്സരങ്ങളിലായി 312 ഗോളുകൾ അദ്ദേഹം നേടി . ലീഗിൽ 106 മത്സരങ്ങളിലായി 86 ഗോളുകളും നേടി ചാംപ്യൻസ് ലീഗ് ഫുട്ബോളിൽ ഏറ്റവും കൂടുതൽ ഗോളടിച്ച കളിക്കാരിൽ ഒരാളായി അദ്ദേഹത്തെ തെരഞ്ഞെടുത്തു . ഈ പോളിഷ് താരം ക്ലബ്ബിനും രാജ്യത്തിനുമായി കളിച്ച കളികളിലായി അകെ അടിച്ചു കൂട്ടിയത് 600 ഗോളുകളാണ് .
ബാഴ്‌സലോണയിൽ നിന്നും ലയണൽ മെസ്സി പി എസ് ജിയിലേക്ക് പോയതോടെ ടീം നിരവധി പ്രതിസന്ധികളിലൂടെ ആണ് കടന്നു പോകുന്നത് . ഡാനി ആൽവ്സിനെ കൊണ്ട് വന്നെങ്കിലും പഴയത് പോലെ ഫോമിലേക്ക് തിരിച്ചു വരൻ അവർക്കായില്ല . എന്നാൽ യുവന്റസ് ഡിഫൻഡർമാരെ കുറച്ചു കാലമായിട്ട് ജർമ്മൻ ക്ലബ്ബ്കൾ നോട്ടമിടുന്നുണ്ട് . മികച്ച കളിക്കാരനെ തേടി ഉള്ള അവരുടെ യാത്ര ലവൻഡോസ്‌കിയെയും വിലയ്‌ക്ക് വാങ്ങി മുന്നോട്ടു പോവുകായണ്‌ . ലവൻഡോസ്‌കി ബാഴ്‌സലോണിയൻ ക്ലബ്ബിൽ കരാർ ഒപ്പിടുമ്പോൾ ടീം കൂടുതൽ ശക്തരാകാൻ തയ്യാറെടുക്കുകയാണെന്നു വേണം കരുതാൻ . ടീമിന്റെ മുൻ നിരയിലെ ചടുലമായ ആക്രമണത്തിന് ലവൻഡോസ്‌കിയെ പോലുള്ള മികച്ച മികച്ച കളിക്കാരന് വലിയ സംഭാവനകൾ നടത്താൻ സാധിക്കുമെന്ന് പ്രതീക്ഷയുണ്ടെന്ന് ക്ലബ്ബ് മാനേജ്‌മന്റ് പറഞ്ഞു .
പോളണ്ടിന്റെ ക്യാപ്റ്റനായ ലവൻഡോസ്‌കി ലോകഫുട്ബോളിലെ ഇതിഹാസമാണെന്നു നിരവധി ആളുകൾ പറഞ്ഞിട്ടുണ്ട് . 2021 നവംബർ 30-ന് ബാലൺ ഡി ഓറിൽ അദ്ദേഹത്തിന് രണ്ടാം സ്ഥാനം ലഭിച്ചിരുന്നു . ലയണൽ മെസ്സിയെക്കാൾ 33 പോയിന്റ് പിറകിലായിരുന്നു അദ്ദേഹം . എന്നാൽ ആ വർഷത്തെ ബാലൻ ഡി ഓർ ലവൻഡോസ്‌കിക്ക് ലഭിക്കുമെന്നായിരുന്നു ഫുട്‌ബോൾ ലോകം വിലയിരുത്തിയിരുന്നത് . വരാൻ പോകുന്ന ക്ലബ്ബ് ഫുട്ബാളിൽ ബാഴ്‌സലോണയുടെ ജേഴ്‌സി അണിഞ്ഞു മുൻനിര പ്രതിരോധത്തിൽ ഗോളുകൾ അടിച്ചു കൂട്ടുന്ന മാന്ത്രികജാലക്കാരന്റെ കളി കാണാനായി നമുക്ക് കാത്തിരിക്കാം .
