പ്രകൃതിയൊരുക്കുന്ന വിസ്മയങ്ങൾ അനവധിയാണ്. ഭൂമിയിലെ ഓരോ ജന്തുജാലങ്ങളിലും പ്രകൃതി വിസ്മയം നമുക്ക് കാണാനാകും. അത്തരത്തിൽ സവിശേഷത നിറഞ്ഞ ഒന്നാണ് ഹമ്മിങ്ബേർഡുകൾ. വർണാഭമായ നിറങ്ങളും വലിപ്പവുമാണ് അവയുടെ പ്രത്യേകത. വിവിധ കോണുകളിൽ നിന്ന് അവയെ വീക്ഷിക്കുമ്പോൾ നിറം മാറികൊണ്ടിരിക്കുന്നതായി കാണുന്നവർക്ക് അനുഭവപ്പെടുകയും ചെയ്യും.
കൗതുകം നിറഞ്ഞ ഈ പ്രതിഭാസത്തെ മനോഹരമായ ഒരു കൊച്ചുവീഡിയോയിലൂടെ എത്തിച്ചിരിക്കുകയാണ് ‘വൈറൽഹോഗ്’. ഹമ്മിങ്ബേർഡിന്റെ തൂവലുകളിൽ നിമിഷങ്ങൾ കൊണ്ട് മാറിമറയുന്ന വർണങ്ങൾ കാഴ്ചക്കാരെ അത്ഭുതപ്പെടുത്തുന്ന ഒന്നാണ്. അതികൊണ്ട് തന്നെയാണ് വൈറൽഹോഗിന്റെ ഈ വീഡിയോ വൻ പ്രചാരം നേടിയതും.
The stunning colors of the Anna's hummingbird are iridescence caused by light scattering from nanoscale structures within their feathers.pic.twitter.com/BZzXuFnHag
— Wonder of Science (@wonderofscience) July 21, 2022
ഒരു മിനിറ്റ് മാത്രം ദൈർഘ്യമുള്ള ഈ വീഡിയോ ദശലക്ഷത്തിലധികം കാഴ്ചക്കാരാണ് രണ്ട് ദിവസത്തിനുള്ളിൽ കണ്ടത്. ഹമ്മിങ്ബേർഡുകളിൽ ഏറ്റവും സാധാരണയായി കണ്ടുവരുന്ന ‘അന്നാസ് ഹമ്മിങ്ബേർഡ്’ ആണ് ദൃശ്യങ്ങളിലുള്ളത്.
ലോകത്തിലെ ഏറ്റവും ചെറിയ പക്ഷികളിലൊന്നാണ് ഹമ്മിങ്ബേർഡുകൾ. ഇതിൽ തന്നെ ബീ ഹമ്മിങ്ബേർഡാണ് (bee humming bird) ഏറ്റവും ചെറുത്. അഞ്ച് സെന്റിമീറ്റർ മാത്രമാണ് ഇവയുടെ വലിപ്പമെന്ന് പറയപ്പെടുന്നു. ലോകത്ത് പിറകോട്ട് പറക്കാൻ കഴിവുള്ള ഏകപക്ഷിയും ഹമ്മിങ്ബേർഡാണ്. തെക്കേ അമേരിക്കയിലും വടക്കേ അമേരിക്കയിലും കരീബിയൻ പ്രദേശത്തുമെല്ലാമാണ് സാധാരണയായി ഇവ കാണപ്പെടുന്നത്.
Comments