ശ്രീനഗർ: ജമ്മുകശ്മീരിലെ കുൽഗ്രാമിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ. ബ്രായ്ഹാർഡ് കത്പോര മേഖലയിലാണ് വെടിവെയ്പ്പുണ്ടായത്. ഇന്ന് പുലർച്ചയോടെ ആരംഭിച്ച ഏറ്റുമുട്ടൽ ഇപ്പോഴും തുടരുകയാണെന്ന് കശ്മീർ പോലീസ് വ്യക്തമാക്കി.
തീവ്രവാദികളുടെ സാന്നിദ്ധ്യമുണ്ടെന്ന രഹസ്യവിവരത്തെ തുടർന്ന് പരിശോധനയ്ക്കെത്തിയ സേനയ്ക്ക് നേരെ ഭീകരർ വെടിയുതിർക്കുകയായിരുന്നു. ആക്രമണത്തിന് പിന്നിൽ ഏത് ഭീകരസംഘടനയാണെന്ന് വ്യക്തമായിട്ടില്ല. കഴിഞ്ഞ 24 നും കുൽഗ്രാമിലെ റാംപോര മേഖലയിൽ സമാനമായ രീതിയിൽ ഏറ്റുമുട്ടൽ നടന്നിരുന്നു.
ഭീകരതയെക്കെതിരെ ശക്തമായി നിലകൊള്ളുന്നതിനാൽ ജമ്മുകശ്മീരിലെ ഭീകരാക്രമണങ്ങളിൽ ഗണ്യമായ കുറവാണുണ്ടായത്. 2018 ൽ 417 ഭീകരാക്രമങ്ങൾ നടന്നപ്പോൾ 2021ൽ 299 ഭീകരാക്രമണങ്ങളാണ് ജമ്മുകശ്മീരിൽ നടന്നത്.
Comments