ടെക് കമ്പനിയായി ഗൂഗിളിൽ ഒരു ജോലി എന്ന സ്വപ്നം യാഥാർത്ഥ്യമാക്കാൻ സാൻ ഫ്രാൻസിസ്കോ സ്വദേശിയായ ടൈലർ കോഹൻ നടത്തിയ പരിശ്രമങ്ങളുടെ കഥ സാമൂഹിക മാദ്ധ്യമങ്ങളിൽ വൈറലാകുന്നു. കോഹൻ അയച്ച 39 അപേക്ഷകൾ നിരസിച്ച ശേഷം, നാൽപ്പതാം തവണ അയച്ച അപേക്ഷ കമ്പനി സ്വീകരിക്കുകയായിരുന്നു. ഇതുമായി ബന്ധപ്പെട്ട വിവരങ്ങൾ ലിങ്ക്ഡിനിലാണ് കോഹൻ പങ്കു വെച്ചിരിക്കുന്നത്.
സ്ഥിരോത്സാഹവും ഭ്രാന്തും തമ്മിൽ വ്യക്തമായ വ്യത്യാസമുണ്ട്. ‘39 തിരസ്കാരങ്ങൾ, ഒരു സ്വീകരണം‘ എന്ന തലക്കെട്ടിൽ ടൈലർ കോഹൻ ഇട്ടിരിക്കുന്ന പോസ്റ്റിൽ, തന്റെ നാൽപ്പത് അപേക്ഷകളുടെയും, അവയോടുള്ള ഗൂഗുളിന്റെ പ്രതികരണങ്ങളുടെയും വിവരങ്ങളും ഉൾപ്പെടുത്തിയിട്ടുണ്ട്.
2019 ഓഗസ്റ്റ് 25നാണ് കോഹൻ ആദ്യമായി ഗൂഗിളിന് അപേക്ഷ അയക്കുന്നത്. തുടർന്ന് അതേ വർഷം സെപ്റ്റംബറിൽ 2 അപേക്ഷകൾ കൂടി അയച്ചു. ഇവയെല്ലാം നിരസിക്കപ്പെട്ടു. തുടർന്ന് കൊറോണ വ്യാപനത്തിന്റെ കാലത്ത്, 2020 ജൂണിൽ വീണ്ടും അപേക്ഷിച്ചു. ഇവയെല്ലാം നിരസിക്കപ്പെട്ടു കൊണ്ടേയിരുന്നു.
ഒടുവിൽ കഴിഞ്ഞയാഴ്ച നൽകിയ കോഹന്റെ അപേക്ഷയാണ് ഗൂഗിൾ സ്വീകരിച്ചത്. നിലവിൽ ഡോർഡാഷ് എന്ന കമ്പനിയിൽ അസോസ്സിയേറ്റ് മാനേജർ ആയി ജോലി ചെയ്യുകയാണ് ടൈലർ കോഹൻ. അദ്ദേഹത്തിന്റെ നിശ്ചയദാർഢ്യത്തെ അഭിനന്ദിച്ച് നിരവധി പേർ സാമൂഹിക മാദ്ധ്യമങ്ങളിൽ പ്രതികരണങ്ങൾ രേഖപ്പെടുത്തി.
