സുരേഷ് ഗോപി ചിത്രം പാപ്പന്റെ പോസ്റ്റർ ഷെയർ ചെയ്തതിന് നടി മാലാ പാർവ്വതിയുടെ പോസ്റ്റിന് താഴെ വിമർശനവും മോശം കമന്റുകളും. തന്റെ പോസ്റ്റിന് താഴെ വന്ന മോശം കമന്റുകൾക്കെതിരെ നടി പ്രതികരിച്ചു. കമന്റ് ചെയ്ത വ്യക്തിയോട് ദയവായി കമന്റ് പിൻവലിക്കണമെന്ന് അവർ ആവശ്യപ്പെട്ടു.
ബഹുമാനപ്പെട്ട എഫ്ബി പേജിലെ സ്നേഹിതരേ, ഒരപേക്ഷയുണ്ട്.’ “പാപ്പൻ “എന്ന ചിത്രത്തിന്റെ ഒരു പോസ്റ്റർ ഷെയർ ചെയ്തതോടെ താഴെ ചില മോശം കമൻ്റുകൾ കാണാനിടയായി. ദയവ് ചെയ്ത് അത് ഒഴിവാക്കുക. നിങ്ങളുടെ രാഷ്ട്രീയ എതിർപ്പുകൾ.. രാഷ്ട്രീയമായി തീർക്കുക!’ എന്നാണ് മാലാ പാർവ്വതി ഫേയ്സ്ബുക്കിലൂടെ പ്രതികരിച്ചത്.
എന്നാൽ മോശം കമന്റ് ഇട്ടവർക്കെതിരെ പോസ്റ്റിൽ സിനിമാ പ്രേമികൾ പ്രതിഷേധവുമായി രംഗത്തു വന്നു. ‘ഞാൻ ഒരു കമ്യൂണിസ്റ്റ് അനുഭാവി ആണ്. സുരേഷ് ഗോപി എന്ന നടനെ ഭയങ്കര ഇഷ്ടം ആണ്.നല്ല മനസ്സിന് ഉടമയാണ് അദ്ദേഹം’, രാഷ്‌ട്രീയപരമായി പലർക്കും എതിർപ്പുകൾ ഉണ്ടായേക്കാം പക്ഷെ അവരുടെ അഭിനയ മികവ് നല്ലത് ആണേൽ രാഷ്ട്രീയ എതിർപ്പ് മാറ്റി വെച്ച് സപ്പോർട്ട് ചെയുക’ എന്നിങ്ങനെ നിറയുകയാണ് സുരേഷ് ഗോപിയ്‌ക്ക് അനുകൂലമായി കമന്റുകൾ. അതേസമയം, റിലീസ് ചെയ്ത എല്ലാ ഇടങ്ങളിലും സിനിമയ്‌ക്ക് വലിയ തിരക്കാണ് അനുഭവപ്പെടുന്നത്. രണ്ട് ദിവസം കൊണ്ട് 7.03 കോടി രൂപയാണ് ചിത്രം സ്വന്തമാക്കിയത്.
