ചെന്നൈ : അടുപ്പിൽ തിളച്ചുകൊണ്ടിരുന്ന കഞ്ഞിച്ചെമ്പിലേക്ക് വീണ് യുവാവിന് ദാരുണാന്ത്യം. മധുരയിലാണ് സംഭവം. കഞ്ഞിച്ചെമ്പിലേക്ക് വീണ് മുത്തുകുമാർ എന്നയാളാണ് മരിച്ചത്. സംഭവത്തിന്റെ സിസിടിവി ദൃശ്യങ്ങളും സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
തമിഴ്നാട്ടിൽ ഉടനീളം ആഘോഷിക്കപ്പെടുന്ന ഒരു ഉത്സവമാണ് ആഡി വെള്ളി. ഇതിന്റെ ഭാഗമായി കഞ്ഞി പാകം ചെയ്ത് ആളുകൾക്ക് വിതരണം ചെയ്യും. ഇതിനായി കഞ്ഞി ഉണ്ടാക്കുന്നതിനിടെ സഹായിയായ മുത്തുകുമാർ ചെമ്പിന് സമീപത്ത് എത്തുകയായിരുന്നു. തുടർന്ന് തിളച്ചുകൊണ്ടിരുന്ന കഞ്ഞിച്ചെമ്പിലേക്ക് തലകറങ്ങി വീണു.
സമീപ് ഉണ്ടായിരുന്നവർ മുത്തുകുമറിനെ രക്ഷിച്ച് പുറത്തെടുക്കാൻ ശ്രമിച്ചെങ്കിലും സാധിച്ചില്ല. ഒടുവിൽ ചെമ്പ് മറിച്ചിട്ടാണ് ഇവർ യുവാവിനെ രക്ഷിച്ചത്. ശരീരത്തിൽ 65 ശതമാനം പൊള്ളലേറ്റയാളെ സർക്കാർ ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ ഇന്ന് മരണത്തിന് കീഴടങ്ങുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
Comments