മലപ്പുറം : ജെൻഡർ ന്യൂട്രൽ യൂണിഫോം അമിത പാശ്ചാത്യവത്കരണമാണെന്ന് പികെ കുഞ്ഞാലിക്കുട്ടി എംഎൽഎ. അത് മഹത്തരമാണെന്ന് പറയുന്നതിന് മുൻപ് ചിലത് പരിശോധിക്കണം. ജെൻഡർ ന്യൂട്രൽ യൂണിഫോമിലൂടെ സർക്കാർ അനാവശ്യ വിവാദം ഉണ്ടാക്കുകയാണെന്നും കുഞ്ഞാലിക്കുട്ടി മാദ്ധ്യമങ്ങളോട് പറഞ്ഞു.
ജെൻഡർ ന്യൂട്രൽ യൂണിഫോമിനെ മഹത്വവൽക്കരിക്കുന്നതിന് മുൻപ് കേരളത്തിലെ സാമൂഹിക സാംസ്കാരിക രീതി പരിശോധിക്കേണ്ടതുണ്ട്. കുട്ടികൾ നേരിടുന്ന പ്രതിസന്ധിയാണ് സർക്കാർ പരിഹരിക്കേണ്ടത്. വിദ്യാഭ്യാസ സൗകര്യം വർദ്ധിപ്പിക്കുകയും, എല്ലാവർക്കും പഠിക്കാനുള്ള സൗകര്യം ഒരുക്കുകയുമാണ് വേണ്ടത്. അനാവശ്യ വിവാദങ്ങളേക്കാൾ വിദ്യാഭ്യാസമാണ് പ്രധാനമെന്നും കുഞ്ഞാലിക്കുട്ടി പറഞ്ഞു.
കോൺഗ്രസിനെ ഒറ്റപ്പെടുത്താൻ ലീഗ് സമ്മതിക്കില്ല. എന്നും കോൺഗ്രസിനൊപ്പം ഉണ്ടാകുമെന്നും കുഞ്ഞാലിക്കുട്ടി വ്യക്തമാക്കി.
Comments