ബർമിങാം: കോമൺവെൽത്ത് ഗെയിംസിൽ ഇന്ത്യയുടെ പുരുഷന്മാരുടെ 4X400 മീറ്റർ ടീം ഫൈനലിലേക്ക് യോഗ്യത നേടി. യോഗ്യത മത്സരത്തിൽ മികച്ച പ്രകടനത്തോടെയാണ് ഇന്ത്യൻ ടീം സ്വർണ പോരാട്ടത്തിനിറങ്ങുന്നത്.
മുഹമ്മദ് അനസ് യഹിയ, നോഹ നിർമൽ ടോം, മുഹമ്മദ് അജ്മൽ എന്നീ മലയാളികളും അമോജ് ജേക്കബ്ബും അടങ്ങിയ സംഘമാണ് ഇന്ത്യയ്ക്ക് വേണ്ടി മത്സരിച്ചത്.
രണ്ടാം ഹീറ്റ്സിലാണ് ഇന്ത്യ പങ്കെടുത്തത്. അമോജ് ജേക്കബ്ബിന്റെ അവസാന ലാപ്പിലെ കുതിപ്പാണ് ഇന്ത്യയ്ക്ക് വിജയം സമ്മാനിച്ചത്. ഇന്ത്യ 3:06.97 മിനിറ്റിൽ മത്സരം പൂർത്തീകരിച്ചു. ഹീറ്റ്സിൽ രണ്ടാമതായാണ് ഫിനിഷ് ചെയ്ത്. കെനിയയാണ് ഒന്നാമത്.എട്ട് ടീമുകളാണ് ഫൈനലിൽ മത്സരത്തിനിറങ്ങുക.
