ബർമിംഗ്ഹാം: കോമൺവെൽത്ത് ഗെയിംസ് 2022ൽ സ്വർണവേട്ട തുടർന്ന് ഇന്ത്യ. ഗുസ്തിയിൽ ആറാം സ്വർണം നേടിയ നവീൻ ഇന്ത്യയുടെ അഭിമാനമായി. പാകിസ്താൻ താരത്തെ 9-0ത്തിന് തോൽപ്പിച്ചായിരുന്നു നവീൻ സ്വർണവേട്ട നടത്തിയത്. ഇതോടെ കോമൺവെൽത്തിൽ ഇന്ത്യ നേടുന്ന സ്വർണം 12 ആയി.
CWG 2022: No stopping India’s Gold Rush!
🥇 Wrestler Naveen bags Gold in 74 kg category.
🥇 6th Gold Medal for Indian wrestlers at CWG.
🥇 Naveen defeats Pakistan’s Mohd Sharif Tahir in final.#Wrestling #CWG2022India #Naveen pic.twitter.com/1fgbArR1Gs
— Oxomiya Jiyori 🇮🇳 (@SouleFacts) August 6, 2022
74 കിലോ ഗ്രാം വിഭാഗത്തിലാണ് ഇന്ത്യയുടെ നവീൻ പാകിസ്താന്റെ മുഹമ്മദ് ഷരീഫ് താഹിറിനെ പരാജയപ്പെടുത്തിയത്. നൈജീരിയയുടെ ഒഗ്ബോണ്ണ ഇമ്മാനുവേൽ ജോണിനെയും സിംഗപ്പൂരിന്റെ ഹോംഗ് യൂ ലൂവിനെയും ഇംഗ്ലണ്ടിന്റെ ചാർളി ജെയിംസിനെയും തോൽപ്പിച്ചായിരുന്നു നവീൻ ഫൈനലിലെത്തിയത്.
12th gold medal🥇, 6th in wrestling.. Naveen Kumar winning moments..#Wrestling #naveenkumar #CommonwealthGames2022 pic.twitter.com/giW1T75iLo
— Nishant Rana (@nishantranaCRM) August 6, 2022
കോമൺവെൽത്ത് 2022ൽ ഗുസ്തിയിൽ മെഡൽ നേടുന്ന പത്താമത്തെ ഇന്ത്യക്കാരനാണ് നവീൻ. ഫൈനലിൽ ഇന്ത്യ പാകിസ്താനെ നേരിടുന്നത് ഇത് രണ്ടാമത്തെ തവണയായിരുന്നു. നേരത്തെ ഗുസ്തിയിൽ ഫൈനലിലെത്തിയ ദീപക് പൂനിയ ആയിരുന്നു പാകിസ്താന്റെ മുഹമ്മദ് ഇനാമിനെ തോൽപ്പിച്ച് സ്വർണം നേടിയത്. പുരുഷന്മാരുടെ 85 കിലോ ഗ്രാം വിഭാഗത്തിലായിരുന്നു ഈ നേട്ടം.
രവികുമാർ ദഹിയ, വനേഷ് ഫോഗട്ട്, ദീപക് പൂനിയ, ബജ്റംഗ് പൂനിയ, സാക്ഷി മാലിക്, അൻഷു മാലിക്, പൂജ ഗെഹ് ലോട്ട്, ദിവ്യ കക്രാൻ, മോഹിത് ഗ്രേവാൾ എന്നിവരാണ് ഗുസ്തിയിൽ മെഡൽ നേടിയ മറ്റ് താരങ്ങൾ.
