ഏഷ്യാ കപ്പിനുള്ള 15 അംഗ ടീമിനെ ഇന്ത്യൻ ക്രിക്കറ്റ് ടീമിനെ ബിസിസിഐ തിങ്കളാഴ്ച പ്രഖ്യാപിച്ചു. രോഹിത് ശർമ്മയെ ക്യാപ്റ്റനായി തിരഞ്ഞെടുത്തു. കെ എൽ രാഹുലാണ് ഉപനായകൻ. പരിക്കിനെ തുടർന്ന് ഇന്ത്യയുടെ മുൻനിര പേസർ ജസ്പ്രീത് ബുംറയെ ടീമിൽ ഉൾപ്പെടുത്തിയിട്ടില്ല. വിൻഡീസ് പര്യടനത്തിൽ മികച്ച പ്രകടനം നടത്തിയിട്ടും സഞ്ജു സാംസണും ടീമിൽ ഇടം ലഭിച്ചില്ല.
അർഷ്ദീപ് സിംഗ്, അവേഷ് ഖാൻ, രവി ബിഷ്ണോയി എന്നിവർക്ക് ഏഷ്യാ കപ്പ് പോലുള്ള വലിയ വേദിയിൽ രാജ്യത്തെ പ്രതിനിധീകരിക്കാനുള്ള കന്നി അവസരം ലഭിച്ചു. വിക്കറ്റ് കീപ്പർമാരായ ദിനേശ് കാർത്തിക്കും ഋഷഭ് പന്തും ടീമിൽ ഉണ്ട്. യുസ്വേന്ദ്ര ചാഹലും രവിചന്ദ്രൻ അശ്വിനുമാണ് പ്രധാന സ്പിന്നർമാർ.
🚨#TeamIndia squad for Asia Cup 2022 – Rohit Sharma (Capt ), KL Rahul (VC), Virat Kohli, Suryakumar Yadav, Deepak Hooda, R Pant (wk), Dinesh Karthik (wk), Hardik Pandya, R Jadeja, R Ashwin, Y Chahal, R Bishnoi, Bhuvneshwar Kumar, Arshdeep Singh, Avesh Khan.
— BCCI (@BCCI) August 8, 2022
ഏഷ്യാ കപ്പിനുള്ള ഇന്ത്യൻ ടീം: രോഹിത് ശർമ്മ (ക്യാപ്റ്റൻ), കെ എൽ രാഹുൽ (വൈസ് ക്യാപ്റ്റൻ), വിരാട് കോലി, സൂര്യകുമാർ യാദവ്, ദീപക് ഹൂഡ, ഋഷഭ് പന്ത് (വിക്കറ്റ് കീപ്പർ), ദിനേശ് കാർത്തിക് (വിക്കറ്റ് കീപ്പർ), ഹാർദിക് പാണ്ഡ്യ, രവീന്ദ്ര ജഡേജ, രവിചന്ദ്രൻ അശ്വിൻ, യുസ്വേന്ദ്ര ചാഹൽ, രവി ബിഷ്ണോയ്, ഭുവനേശ്വർ കുമാർ, അർഷ്ദീപ് സിംഗ്, അവേഷ് ഖാൻ.
ഓഗസ്റ്റ് 27 മുതൽ സെപ്റ്റംബർ 11 വരെ യുഎഇയിലാണ് ടൂർണ്ണമെന്റ് അരങ്ങേറുന്നത്. ആദ്യം ശ്രീലങ്കയിൽ നടത്താനായിരുന്നു തീരുമാനിച്ചിരുന്നതെങ്കിലും രാജ്യത്ത് നിലനിൽക്കുന്ന രാഷ്ട്രീയ സാമ്പത്തിക പ്രതിസന്ധിയെത്തുടർന്ന് യുഎഇയിലേക്ക് മാറ്റുകയായിരുന്നു. നിലവിലെ ചാമ്പ്യന്മാരാണ് ഇന്ത്യ. ഓഗസ്റ്റ് 28 ന് ചിരവൈരികളായ പാകിസ്താനെതിരെയാണ് ഇന്ത്യയുടെ ആദ്യ മത്സരം.
