വാഷിംഗ്ടൺ: മനുഷ്യരോരോത്തരും ഏറെ വ്യത്യസ്തരാണ്. വ്യത്യസ്ത കാര്യങ്ങളിലേർപ്പെട്ടാണ് ഓരോരുത്തരും സന്തോഷം കണ്ടെത്തുന്നത്. ഉറങ്ങാൻ ഇഷ്ടപ്പെടുന്നവരാണോ നിങ്ങൾ എന്നാൽ നിങ്ങളെയും കാത്ത് ഒരു ജോലിയുണ്ട്.
യുഎസ്സിലെ ന്യൂയോർക്കിൽ നിന്നുള്ള ഒരു കിടക്ക കമ്പനി പ്രൊഫഷണൽ ഉറക്കക്കാരെ അന്വേഷിക്കുകയാണ്. അവർക്ക് വേണ്ടത് വളരെ നന്നായി ഉറങ്ങാനുള്ള കഴിവാണ്. ന്യൂയോർക്ക് കേന്ദ്രീകരിച്ചുള്ള കാസ്പർ എന്ന കമ്പനി, ‘കാസ്പർ സ്ലീപ്പേഴ്സി’ന് വേണ്ടി അന്വേഷിച്ച് കൊണ്ടിരിക്കുകയാണ്. പ്രൊഫഷണലായി ഉറങ്ങുകയും ആ അനുഭവം സമൂഹമാദ്ധ്യമങ്ങളിലൂടെ പങ്കുവയ്ക്കുകയും വേണം.
അപേക്ഷകർക്ക് ഉറങ്ങാനായി വളരെ നല്ല കഴിവ് വേണം എന്ന് കമ്പനി പ്രത്യേകം ചൂണ്ടിക്കാണിക്കുന്നു. കൂടാതെ എത്രനേരം ഉറങ്ങാനാവുമോ അത്രയും നേരം ഉറങ്ങണം, ഏത് സാഹചര്യത്തിലും ഉറങ്ങാൻ കഴിയണം. ഉറങ്ങാതിരിക്കുന്ന സന്ദർഭങ്ങളിൽ സമൂഹമാദ്ധ്യമങ്ങളിൽ പോസ്റ്റ് ചെയ്യാൻ വേണ്ടി കണ്ടന്റ് നിർമ്മിക്കണം. അത് കാസ്പർ സോഷ്യൽ മീഡിയ പേജ് വഴിയാണ് പോസ്റ്റ് ചെയ്യേണ്ടത്. എന്നൊക്കെയാണ് പ്രധാന നിർദ്ദേശങ്ങൾ.
ആകർഷകമായ ശമ്പളത്തിന് പുറമെ കമ്പനിയുടെ വിവിധ ഉത്പന്നങ്ങളും ലഭിക്കും.പാർട് ടൈമായും ജോലി ചെയ്യാം. ജോലിക്ക് അപേക്ഷിക്കുന്നതിന്റെ ഭാഗമായി അപേക്ഷകർ തങ്ങളുടെ ഉറങ്ങാനുള്ള കഴിവ് തെളിയിക്കുന്ന വീഡിയോ ടിക്ടോക്കിൽ പോസ്റ്റ് ചെയ്യണം. ആഗസ്ത് 11 ആണ് ഇതിലേക്ക് അപേക്ഷിക്കാനുള്ള അവസാന തിയതി.
