തിരുവനന്തപുരം : സംസ്ഥാന മന്ത്രിസഭയിലെ പത്ത് മന്ത്രിമാർക്ക് പുതിയ ഇന്നോവ ക്രിസ്റ്റകൾ വാങ്ങാൻ അനുമതി നൽകി മന്ത്രി സഭ. പത്ത് കാറുകൾ വാങ്ങുന്നതിനാണ് തുക അനുവദിച്ചത്.3.22 കോടി രൂപയാണ് ഇതിനായി അനുവദിച്ചിരിക്കുന്നത്. നിലവിൽ മന്ത്രിമാർ ഉപയോഗിക്കുന്ന വാഹനം പഴയതായതിനാലാണ് പുതിയ കാറുകൾ വാങ്ങുന്നതെന്നാണ് സംഭവത്തിൽ സർക്കാർ നൽകുന്ന വിശദീകരണം.
തീരുമാനം സംബന്ധിച്ച് ടൂറിസം വകുപ്പ് ഉത്തരവിറക്കി. നിലവിൽ മന്ത്രിമാർ ഉപയോഗിച്ച് വന്നിരുന്ന പഴയ കാർ ടൂറിസം വകുപ്പിന് തിരികെ നൽകണം. കഴിഞ്ഞ മാസവും മുഖ്യമന്ത്രിയ്ക്കും ഗവർണർക്കുമായി പുതിയ രണ്ട് ഇന്നോവ ക്രിസ്റ്റ കാറുകൾ വാങ്ങാൻ സർക്കാർ വാങ്ങിയിരുന്നു. 72 ലക്ഷം രൂപയാണ് ഇതിനായി സർക്കാർ അനുവദിച്ചിരുന്നത്.
ഇവയ്ക്കെല്ലാം പുറമെ കഴിഞ്ഞ വർഷം സെപ്തംബറിൽ നാല് ഇന്നോവ ക്രിസ്റ്റ കാറുകൾ വാങ്ങാൻ സർക്കാർ തീരുമാനിച്ചിരുന്നു. മുഖ്യമന്ത്രിക്ക് അകമ്പടിയായി പോകാനായിരുന്നു ഈ കാറുകൾ. സംസ്ഥാന പോലീസ് മേധാവിയുടെ ശുപാർശ അംഗീകരിച്ചാണ് ആഭ്യന്തര വകുപ്പ് ഈ കാറുകൾ വാങ്ങിയത്. പിന്നാലെ ഇവയുടെ നിറം പിന്നീട് വെള്ളയിൽ നിന്ന് കറുപ്പാക്കി മാറ്റുകയും ചെയ്തിരുന്നു.
Comments