വളരെ ആഘോഷ പൂർവ്വം നടത്തപ്പെടുന്ന ഒന്നാണ് രക്ഷാബന്ധൻ . വളരെ പവിത്രവും, പാവനവുമായി കരുതപ്പെടുന്ന ഒരു ആഘോഷം കൂടെയാണ് ഇത്. ശ്രാവണമാസത്തിലെ പൗർണമിദിവസം ആഘോഷിക്കപ്പെടുന്ന ഈ ഉത്സവം വടക്കെ ഇന്ത്യയിൽ ‘ശ്രാവണി’ എന്ന പേരിലും അറിയപ്പെടുന്നു.സാഹോദര സ്നേഹത്തിന്റെ പവിത്രത എടുത്ത് കാണിക്കുവെന്നതാണ് ഇതിന്റെ പ്രത്യേകത.അതുകൊണ്ട് തന്നെ അന്നേദിവസം സഹോദരന്റെ കെെയിൽ സഹോദരിമാർ രാഖി കെട്ടികൊടുക്കുന്നു. ഇതാണ് ചടങ്ങ്.
എന്നാൽ ഇപ്പോൾ രക്ഷാബന്ധൻ സംബന്ധിച്ച് നടന്ന കൗതുമേറിയ ഒരു സംഭവമാണ് സമൂഹമാദ്ധ്യമങ്ങളിൽ പ്രചരിക്കുന്നത്. രക്ഷാബന്ധന് മുമ്പ് ടിൻഡറിൽ ഒരു യുവാവ് പങ്കുവെച്ച കുറിപ്പാണ് വൈറലായി മാറിയിരിക്കുന്നത്. രക്ഷാബന്ധൻ ആഘോഷിക്കുന്നതിനായി സഹോദരിയെ കണ്ടെത്താൻ ടിൻഡർ എന്ന ഡേറ്റിങ്
ആപ്പ് തിരഞ്ഞെടുത്തിരിക്കുകയാണ് മുംബൈ സ്വദേശിയായ യുവാവ്. ഈ കുറിപ്പാണ് വ്യാപകമായി പ്രചരിക്കുന്നത്.
‘തനിക്ക് സഹോദരിമാർ ഇല്ല. അതിനാൽ തന്നെ രക്ഷാബന്ധൻ വേളയിൽ എന്റെ ജീവിതത്തിന്റെ ഭൂരിഭാഗവും നഷ്ടബോധം ഉണ്ടായിരുന്നു. തനിക്ക് സമ്മാനങ്ങൾ വാങ്ങി കൊടുക്കാനും രാഖി കെട്ടിത്തരാനും ആരും ഇല്ല. എന്നായിരുന്നു കുറിപ്പ്. എന്നാൽ ഇതിൽ മറ്റൊരു കാര്യം കൂടി യുവാവ് പറയുന്നുണ്ട്.രണ്ട് വർഷമായി ഇത്തരത്തിൽ കുറിപ്പ് ഇടുന്നുണ്ട്. മുമ്പ് ഡേറ്റിങ് ആപ്പിൽ നിന്ന് രണ്ട് സഹോദരിമാരെ കിട്ടിയിരുന്നു. ഈ വർഷം ഞങ്ങൾ 3 പേരും ചേർന്ന് രക്ഷാബന്ധൻ ആഘോഷിക്കാനും സമ്മാനങ്ങൾ കൈമാറാനും ആലോചിക്കുന്നുണ്ട്. ‘ ഇതായിരുന്നു യുവാവ് പങ്കുവെച്ച വൈറൽ കുറിപ്പ്.
അതേസമയം നിരവധി പേരാണ് കുറിപ്പിനെ അനുകൂലിച്ച് രംഗത്തെത്തിയത്. രണ്ട് ദിവസത്തിനുള്ളിൽ 500 ലധികം പേർ കുറിപ്പിനെ അനുകൂലിച്ചു. ധാരാളം പേർ അദ്ദേഹത്തെ അഭിനന്ദിച്ചും രംഗത്തെത്തിയിട്ടുണ്ട്.
