നടൻ ആർ മാധവൻ സംവിധാനം ചെയ്ത റോക്കട്രി:ദി നമ്പി എഫക്ട് എന്ന സിനിമ അടുത്തിടെയാണ് പുറത്തിറങ്ങിയത്. പ്രശസ്ത ബഹിരാകാശ ശാസ്ത്രജ്ഞൻ നമ്പി നാരായണന്റെ കഥ പറയുന്ന ചിത്രത്തിന് പ്രേക്ഷകരിൽ നിന്നും മികച്ച പ്രതികരണം ലഭിച്ചു. ബോക്സ് ഓഫീസിൽ നല്ല പ്രകടം കാഴ്ചവെയ്ക്കാനും ചിത്രത്തിന് സാധിച്ചു എന്നതും പ്രശംസനീയമാണ്. എന്നാൽ ഇതിന് പിന്നാലെ ചില അഭ്യൂഹങ്ങളും പടർന്നിരുന്നു.
റോക്കട്രി പുറത്തിറങ്ങിയതോടെ മാധവന് വീട് വിൽക്കേണ്ടിവന്നുവെന്നാണ് പ്രചാരണം. സാമ്പത്തിക പ്രതിസന്ധി കാരണം താരം വീട് വിറ്റുവെന്നാണ് ആരാധകർക്കിടയിൽ നിന്നുയർന്ന അഭ്യൂഹം. എന്നാൽ ഇതിന് മറുപടിയുമായാണ് താരം ഇപ്പോൾ രംഗത്തെത്തിയിരിക്കുന്നത്. എന്റെ ത്യാഗത്തെ ഇത്രയും പൊലിപ്പിച്ച് പറയരുതേ എന്നാണ് മാധവൻ ആരാധകനോട് പറയുന്നത്. എനിക്ക് എന്റെ വീടോ മറ്റോ നഷ്ടപ്പെട്ടിട്ടില്ല. വാസ്തവത്തിൽ, റോക്കട്രിയിൽ ഉൾപ്പെട്ടിരിക്കുന്ന എല്ലാവരും ഈ വർഷം വളരെ അഭിമാനത്തോടെ നികുതി അടയ്ക്കും. സിനിമ നല്ല രീതിയിൽ ലാഭം ഉണ്ടാക്കിയെന്നും ഇപ്പോഴും തന്റെ വീട്ടിൽ തന്നെയാണ് താമസിക്കുന്നത് എന്നും താരം പ്രതികരിച്ചു.
Oh Yaar. Pls don’t over patronize my sacrifice. I did not lose my house or anything. In fact all involved in Rocketry will be very proudly paying heavy Income Tax this year. Gods grace 😃😃🙏🙏🇮🇳🇮🇳🇮🇳We all made very good and proud profits. I still love and live in my house .🚀❤️ https://t.co/5L0h4iBert
— Ranganathan Madhavan (@ActorMadhavan) August 17, 2022
റോക്കട്രിക്ക് ഫണ്ട് നൽകുന്നതിനായി മാധവൻ സ്വന്തം വീട് വിറ്റുവെന്നും യഥാർത്ഥ സംവിധായകൻ ഈ ചിത്രം ഉപേക്ഷിച്ചത് കൊണ്ടാണ് താരത്തിന് അങ്ങനെ ചെയ്യേണ്ടി വന്നത് എന്നുമായിരുന്നു ആരാധകന്റെ പോസ്റ്റ്. ഇത് പങ്കുവെച്ചുകൊണ്ടായിരുന്നു മാധവന്റെ പ്രതികരണം.
