വയനാട്: രാഹുൽ ഗാന്ധി എംപിയുടെ വയനാട്ടിലെ ഓഫീസിലെ ഗാന്ധി ചിത്രം തകർത്ത കേസിൽ നാല് കോൺഗ്രസ് പ്രവർത്തകർ അറസ്റ്റിൽ. രാഹുൽ ഗാന്ധിയുടെ പിഎ രതീഷ് അടക്കമുള്ളവരെയാണ് പോലീസ് അറസ്റ്റ് ചെയ്തത്.
ഓഫീസിനുള്ളിലെ ഗാന്ധിചിത്രം തകർത്തത് എസ്എഫ്‌ഐ പ്രവർത്തകരെന്നായിരുന്നു കോൺഗ്രസ് ആരോപിച്ചിരുന്നത്. എന്നാൽ പോലീസ് ഫോട്ടോഗ്രാഫറുടെ മൊഴിയും ഫോട്ടോകളും അടിസ്ഥാനമാക്കി എസ്പി കോൺഗ്രസ് പ്രവർത്തകർക്കെതിരെ റിപ്പോർട്ട് തയ്യാറാക്കുകയായിരുന്നു.
കഴിഞ്ഞ ജൂൺ 24 ന് എസ്എഫ്‌ഐ പ്രവർത്തകർ രാഹുൽ ഗാന്ധിയുടെ ഓഫീസ് തല്ലി തകർത്തിരുന്നു. ഇതിന് ശേഷം ഇവർ ഗാന്ധി പ്രതിമ നശിപ്പിച്ചെന്നായിരുന്നു ആരോപണം. എന്നാൽ എസ്എഫ്‌ഐ പ്രവർത്തകരെ അറസ്റ്റ് ചെയ്ത് നീക്കുമ്പോൾ എടുത്ത ചിത്രമാണ് കോൺഗ്രസിന് വിനയായയത്. ഫോട്ടോയിൽ ഗാന്ധിചിത്രം ചുവരിലുള്ളത് വ്യക്തമായിരുന്നു.
