വാഷിംഗ്ടൺ: ഗൂഗിൾ പ്ലേ സ്റ്റോറിൽ നിന്ന് നിയന്ത്രണമില്ലാതെ ആപ്പുകൾ ഇൻസ്റ്റാൾ ചെയ്യുന്നവർക്ക് മുന്നറിയിപ്പുമായി ഇന്റർനെറ്റ് സുരക്ഷാ ഗവേഷകരായ ബിറ്റ്ഡിഫെൻഡർ. 35 മാൽവെയർ ആപ്ലിക്കേഷനുകളെക്കുറിച്ചാണ് മുന്നറിയിപ്പ് നൽകിയിരിക്കുന്നത്.
രണ്ട് ദശലക്ഷത്തിലധികം ഡൗൺലോഡുകളുള്ള ആപ്പുകളിൽ ഉപയോക്താക്കളുടെ ബാങ്ക് അക്കൗണ്ടിൽ നിന്ന് പണം അടിച്ചുമാറ്റാൻ പോലും കഴിയുന്ന ക്രമീകരണങ്ങൾ ഉണ്ടെന്നാണ് കണ്ടെത്തിയിരിക്കുന്നത്.
പേരിൽ മാറ്റങ്ങൾ വരുത്തിയും ഐക്കണുകളിൽ രൂപമാറ്റം വരുത്തിയുമാണ് ഉപയോക്താക്കളെ മാൽവെയറുകൾ ആക്രമിക്കുന്നത്. ഫോണിൽ ഇത്തരം ആപ്പുകളുടെ സാന്നിധ്യമുണ്ടെന്ന് സാധാരണ യൂസർമാർക്ക് ഒരിക്കലും കണ്ടെത്താനും സാധിക്കാത്തത് ഭീഷണി ഉയർത്തുന്നു.
ഇൻസ്റ്റാൾ ചെയ്യുന്നതോടെ ഫോണിലെ സിസ്റ്റം ആപ്പെന്ന നിലയിൽ രൂപവും പേരും മാറ്റാനും കഴിയുന്ന ആപ്പുകളുണ്ട്. അത് കൊണ്ട് തന്നെ ബാങ്കിങ് ആപ്പുകളിൽ നുഴഞ്ഞു കയറി പണം നഷ്ടപ്പെടുത്തി ഒരു തെളിവും അവശേഷിപ്പിക്കാതെ മുങ്ങാനും മാൽവെയറുകൾക്ക് കഴിയും. ആപ്പുകൾ ഇൻസ്റ്റാൾ ചെയ്യുന്നതോടെ ഫുൾ സ്ക്രീൻ പരസ്യങ്ങൾ ഫോണിൽ പ്രത്യക്ഷപ്പെട്ട് തുടങ്ങും. ഇത്തരം പരസ്യങ്ങളിൽ ക്ലിക്ക് ചെയ്താൽ മാൽവെയർ സൈറ്റുകളിലേക്കാകും ഉപയോക്താക്കളെ കൊണ്ടെത്തിക്കുക.
ഇത്തരത്തിൽ അപകടം വരുത്തുന്ന പല ആപ്പുകളും അവരുടെ പ്ലേ സ്റ്റോറിൽ നിന്ന് നീക്കം ചെയ്തിട്ടുണ്ട്.
ജിപിഎസ് ലൊക്കേഷൻ ഫൈൻഡർ, ജിപിഎസ് ലൊക്കേഷൻ മാപ്പ്സ്, ഫാസ്റ്റ് ഇമോജി കീബോർഡ്,വാൾസ് ലൈറ്റ്-വാൾപേപ്പേഴ്സ് പാക്ക്,
ഫോട്ടോപിക്സ് ഇഫക്റ്റുകൾ – ആർട്ട് ഫിൽട്ടർ, ക്യൂആർ ക്രിയേറ്റർ, ഗ്രാൻഡ് വാൾപേപ്പേഴ്സ്-3ഡി ബാക്ക് ഡ്രോപ്പ്സ്, സ്റ്റോക്ക് വാൾപേപ്പർ-4 കെ ആൻഡ് എച്ച്ഡി,എൻജിൻ വാൾപേപ്പർ-ലൈവ് ആൻഡ് 3ഡി,സ്മാർട്ട് ക്യൂആർ സ്കാനർ, ക്യാറ്റ് സിമുലേറ്റർ, മീഡിയ വോളിയം സ്ലൈഡർ, പിച്ച്ഐ 4കെ വാൾപേപ്പർ-ആനിമേഷൻ എച്ച്ഡി,മൈ ജിപിഎസ് ലൊക്കേഷൻ, ഇമേജ് വാർപ്പ് ക്യാമറ, ആർട്ട് ഗേൾസ് വാൾപേപ്പർ എച്ച്ഡി,സ്മാർട്ട് ക്യൂആർ ക്രിയേറ്റർ,എഫക്റ്റ്മാനിയ – ഫോട്ടോ എഡിറ്റർ, ആർട്ട് ഫിൽട്ടർ – ഡീപ് ഫോട്ടോ ഇഫക്റ്റ്, മാത്ത് സോൾവർ ക്യാമറ ഹെൽപ്പർ,ലെഡ് തീം-കളർഫുൾ കീബോർഡ്,കീബോർഡ് – ഫൺ ഇമോജി സ്റ്റിക്കർ, സ്മാർട്ട് വൈഫൈ,കളറൈസ് ഓൾഡ് ഫോട്ടോ, ഗേൾസ് ആർട്ട് വാൾപേപ്പർ,വോളിയം കൺട്രോൾ,സീക്രട്ട് ഹോറോസ്കോപ്പ്,സ്മാർട്ട് ജിപിഎസ് ലൊക്കേഷൻ,ആനിമേറ്റഡ് സ്റ്റിക്കർ മാസ്റ്റർ,പേഴ്സണാലിറ്റി ചാർജിംഗ് ഷോ,,സ്ലീപ്പ് സൗണ്ട്സ്, സീക്രട്ട് ആസ്ട്രോളജി,കളറൈസ് ഫോട്ടോസ്, എന്നിവയാണ് വില്ലൻമാരായ ആപ്പുകൾ.
Comments