പ്രഗ്നാനന്ദ വിജയക്കുതിപ്പ് തുടരുന്നു; ക്രിപ്‌റ്റോ കപ്പിലും മാഗ്നസ് കാൾസണെ മുട്ടുകുത്തിച്ചു; ടൂർണ്ണമെന്റിൽ രണ്ടാമൻ

ചെന്നൈ: ഇന്ത്യൻ ചെസ്സിലെ കൗമര അത്ഭുതം പ്രഗ്നാനന്ദ വിജയക്കുതിപ്പ് തുടരുന്നു. ക്രിപ്‌റ്റോ കപ്പിൽ ലോക ചാമ്പ്യൻ മാഗ്നസ് കാൾസണെ തോൽപ്പിച്ചാണ് പ്രഗ്നാനന്ദ തന്റെ കരുത്ത് തെളിയിച്ചത്. ആകെ പോയിന്റ് നിലയിൽ ഒരു പോയിന്റ് വ്യത്യാസത്തിലാണ് കാൾസൺ ക്രിപ്‌റ്റോ കപ്പ് സ്വന്തമാക്കിയത്.

അവസാന നിമിഷത്തിലെ പോയിന്റ് നേട്ടത്തിലൂടെ മറ്റ് താരങ്ങളെ കടത്തിവെട്ടി പ്രഗ്നാനന്ദ രണ്ടാം സ്ഥാനം സ്വന്തമാക്കുകയും ചെയ്തു.   കഴിഞ്ഞ ഒരു വർഷത്തിനിടെ മൂന്നാം തവണയാണ് നോർവേ താരമായ കാൾസണെ 17 വയസ്സുകാരൻ തോൽപ്പിക്കുന്നത്.

തന്റെ അവസാന മത്സരത്തിൽ മാഗ്നസ് കാൾസണിനെതിരെ മൂന്ന് ഗെയിമുകളിൽ തുടർച്ചയായിട്ടാണ് പ്രഗ്ന്‌നാനന്ദ പരാജയപ്പെടുത്തിയത്. മാഗ്നസ് കാൾസണിനെ തോൽപ്പിച്ചതോടെ ഇന്ത്യൻ താരം ക്രിപ്‌റ്റോ കപ്പിൽ രണ്ടാം സ്ഥാനക്കാരനായി മാറി.