ഹരാരേ: ഏകദിന പരമ്പര സ്വന്തമാക്കിയ ടീം ഇന്ത്യ മൂന്നാം ഏകദിനത്തിൽ ഭേദപ്പെട്ട നിലയിൽ. ടോസ് നേടിയ ഇന്ത്യ രണ്ടു വിക്കറ്റ് നഷ്ടത്തിൽ 120 എന്ന നിലയിലാണ്. 40 റൺസ് നേടിയ ശിഖർ ധവാനും 30 റൺസ് നേടിയ കെ.എൽ.രാഹുലുമാണ് പുറത്തായത്. 35 റൺസുമായി ശുഭ്മാൻ ഗില്ലും 9 റൺസുമായി ഇഷാൻ കിഷനുമാണ് ക്രീസിലുള്ളത്.
സിംബാബ് വേയ്‌ക്കായി ഇന്ത്യയുടെ രണ്ട് ഓപ്പൺമാരേയും പുറത്താക്കിയത് ബ്രാഡ് ഇവാൻസാണ്. 6 ഓവറിൽ 28 റൺസ് വിട്ടു നൽകി 2 സുപ്രധാന വിക്കറ്റുകളാണ് ഇവാൻസ് സ്വന്തമാക്കിയത്.
നേരത്തെ ആദ്യ രണ്ടു മത്സരങ്ങളും ആധികാരികമായി ജയിച്ച് ഇന്ത്യ പരമ്പര സ്വന്തമാക്കി യിരുന്നു. ആദ്യ ഏകദിനത്തിൽ 10 വിക്കറ്റിനും രണ്ടാമത്തേതിൽ അഞ്ചുവിക്കറ്റിനുമാണ് ഇന്ത്യ ജയിച്ചത്.
