തെലുങ്ക് സൂപ്പർ സ്റ്റാർ ചിരഞ്ജീവിക്ക് കേരളത്തിലും ആരാധകർ ഏറെയാണ് . ഇപ്പോളിതാ അദ്ദേഹത്തിന്റെ 67-ാം പിറന്നാൾ ദിനത്തിൽ ആശംസകൾ അറിയിച്ചിരിക്കുകയാണ് മലയാളികളുടെ സ്വന്തം ലാലേട്ടൻ. ചിരഞ്ജീവിയുമായി വളരെ അടുത്ത സൗഹൃദം സൂക്ഷിക്കുന്ന വ്യക്തയാണ് മോഹൻലാൽ .
ട്വിറ്ററിലാണ് മോഹൻലാൽ ആശംസകുറിപ്പ് പങ്കുവച്ചത് ”ചിരഞ്ജീവി ഗാരുവിന് വളരെ സന്തോഷകരമായ ഒരു പിറന്നാൾ ആശംസിക്കുന്നു. എല്ലായ്പ്പോഴും ആരോഗ്യത്തോടെയും സന്തോഷത്തോടെയും ഇരിക്കാനാവട്ടെ,” ട്വിറ്ററിൽ അദ്ദേഹം കുറിച്ചു. ഇതിന് പുറമെ ആരാധകരും താരങ്ങളും അടക്കം നിരവധി പേരാണ് ചിരഞ്ജീവിക്ക് ആശംസകൾ അറിയിച്ച് എത്തിയത്.
കൂടാതെ പിറന്നാളിനോട് അനുബന്ധിച്ച് മോഹൻലാൽ ചിത്രം ലൂസിഫറിന്റെ തെലുങ്ക് റീമേക്ക് ആയ ഗോഡ്ഫാദറിന്റെ ടീസർ അണിയറപ്രവർത്തകർ ഇന്നലെ പുറത്ത് വിട്ടു. തെലുങ്ക് സിനിമാലോകം ഏറെ ആകാംക്ഷയോടെ കാത്തിരിക്കുന്ന ചിത്രമാണ് ഇത്.മലയാളത്തിൽ മഞ്ജു വാര്യർ അവതരിപ്പിച്ച കഥാപാത്രമായി നയൻതാരയും പൃഥ്വിരാജിന്റെ ഗസ്റ്റ് റോളിൽ സൽമാൻ ഖാനുമാണ് എത്തുക.
ചിരഞ്ജീവിയുടെ കരിയറിലെ 153-ാം ചിത്രവുമാണ് ഇത്.ചിത്രം സംവിധാനം ചെയ്യുന്നത്.കോനിഡേല പ്രൊഡക്ഷൻ കമ്പനിയും സൂപ്പർ ഗുഡ് ഫിലിംസും ചേർന്നാണ് ചിത്രം നിർമ്മിച്ചിരിക്കുന്നത്.ജയം മോഹൻ രാജയാണ് . നീരവ് ഷായാണ് ഛായാഗ്രാഹകൻ. എസ് തമൻ സംഗീത സംവിധാനവും പ്രഭുദേവ നൃത്തസംവിധാനവും നിർവ്വഹിച്ചിരിക്കുന്നു.
