നമ്മുടെ ചില കറികളിലും വിഭവങ്ങളിലും കടുക് ഉപയോഗിക്കുന്നത് ശ്രദ്ധിച്ചിട്ടില്ലേ വെറുതെ രുചിയ്ക്കും ഭംഗിയ്ക്കും വേണ്ടി മാത്രമല്ല കടുക് ഉപയോഗിക്കുന്നത്. അടുത്തറിഞ്ഞാൽ ആളൊരു താരമാണ്. കടുകിൽ നിന്നുണ്ടാക്കുന്ന കടുകെണ്ണ പല സൗന്ദര്യ പ്രശ്നങ്ങൾക്കുമുള്ള ഒറ്റമൂലിയാണ്.
അധികമായി സൂര്യപ്രകാശം നമ്മുടെ ശരീരത്തിൽ ഏൽക്കുമ്പോൾ നമ്മുടെ ശരീരമാസകലം കരുവാളിച്ച് പോകുന്നു.ഇത്തരം പ്രശ്നം ഒഴിവാക്കുവാനും ചർമ്മത്തെ സംരക്ഷിക്കാനും ഏറ്റവുമധികം സഹായിക്കുന്ന ഒന്നാണ് കടുകെണ്ണ. കടുകെണ്ണ എന്നും തേച്ച് കുളിക്കുന്നതോ അല്ലെങ്കിൽ മഞ്ഞളും ചേർത്ത് ദേഹത്ത് പുരട്ടി കുളിക്കുന്നതുമെല്ലാം തന്നെ കരുവാളിപ്പ് കുറച്ച് ചർമ്മം സുന്ദരമാക്കുവാൻ സഹായിക്കുന്നവയാണ്.ചുളിവ് വീണാൽ വേഗത്തിൽ പ്രായം തോന്നുന്നതിന് കാരണമാകും. ഇത് തടയുന്നതിന് ഏറ്റവും നല്ല മാർഗ്ഗങ്ങളിൽ ഒന്നാണ് കടുകെണ്ണ മുഖത്ത് നന്നായി മസാജ് ചെയ്യുക ഇത് സ്ഥിരമായി ചെയ്താൽ ഫലം ലഭിക്കും.
കടുകെണ്ണ പുരട്ടി ശരീരം മൊത്തം നന്നായി മസാജ് ചെയ്തതിനുശേഷം കുളിച്ചാൽ ചർമ്മത്തിലെ മൃതകോശങ്ങൾ നീക്കം ചെയ്യും. ചർമ്മത്തിലെ അഴുക്കെല്ലാം നീക്കം ചെയ്ത് അടഞ്ഞിരിക്കുന്ന ചർമ്മദ്വാരങ്ങൾ തുറക്കുന്നതിനും ബ്ലാക്ക്ഹെഡ്സ്, വൈറ്റ് ഹെഡ്സ് എന്നിവ ഇല്ലാതെ സംരക്ഷിക്കുന്നതിനും സഹായിക്കുന്നു. നല്ലതു പോലെ ആന്റിബാക്ടീരിയൽ പ്രോപർട്ടി അടങ്ങിയിരിക്കുന്നതിനാൽ തന്നെ ചർമ്മത്തെ നല്ലരീതിയിൽ സംരക്ഷിക്കുകയും മുഖക്കുരു, അലർജികൾ എന്നിവയിൽ നിന്നെല്ലാം ചർമ്മത്തെ സംരക്ഷിച്ച് നിർത്തുന്നു.
ചർമ്മം ഒട്ടും വരണ്ടുപോകാതെ മനോഹരമാക്കി നിലനിർത്തുവാൻ സഹായിക്കുന്ന ഒന്നാണ് കടുകെണ്ണ. ഇത് ചർമ്മത്തെ നല്ലപോലെ മോയ്സ്ച്വറൈസ് ചെയ്ത് നിലനിർത്തുവാൻ വളരെയധികം സഹായിക്കുന്നുണ്ട്.
