ടെഹ്റാൻ: ഏഷ്യൻ വോളിബോൾ ചാമ്പ്യൻഷിപ്പിൽ വെങ്കല മെഡൽ നേടി ഇന്ത്യൻ ടീം. ദക്ഷിണകൊറിയയെയാണ് ഇന്ത്യൻ പുരുഷ വിഭാഗം അണ്ടർ-18 ടീം പരാജയപ്പെടുത്തിയത്. മൂന്നാം സ്ഥാനകാർക്കായുളള പോരാട്ടത്തിൽ ദക്ഷിണകൊറിയയെയാണ് ഇന്ത്യ തോൽപ്പിച്ചത്.
Heartiest congratulations to #TeamIndia🇮🇳 on winning 🥉 medal at Asian Men’s U18 #Volleyball 🏐 Championship 2022🥳
India 🇮🇳 won its 1st medal in 14 yrs after defeating South Korea 🇰🇷 in a thrilling tiebreaker of 3rd place play-off!
Score: 25-20, 25-21, 26-28, 19-25, 15-12
1/1 pic.twitter.com/wUsQ641A91— SAI Media (@Media_SAI) August 23, 2022
അഞ്ച് സെറ്റുകൾ നീണ്ട ആവേശകരമായ മത്സരത്തിൽ 25-20,25-21,26-28,19-25, 15-12 എന്ന സ്കോറിനാണ് ഇന്ത്യൻ ആൺകുട്ടികൾ പൊരുതി വിജയം നേടിയത്. ആഷിഷ് സ്വെയിൻ, ആര്യൻ ബല്യാൻ,കുഷ് സിങ്,കാർത്തിക് ശർമ്മ എന്നിവരാണ് ഇന്ത്യൻ നിരയിൽ തിളങ്ങിയത്. പ്രാഥമിക മത്സരത്തിലും ഇന്ത്യ കൊറിയയെ തോൽപിച്ചിരുന്നു. എന്നാൽ സെമിയിൽ ആതിഥേയരായ ഇറാനോട് ഇന്ത്യ പരാജയപ്പെട്ടിരുന്നു.
ചൈന അഞ്ചും ചൈനീസ് തായ്പെയ് ആറും സ്ഥാനങ്ങൾ നേടി. പതിനാല് വർഷങ്ങൾക്ക് ശേഷമാണ് ഇന്ത്യ മെഡൽ നേടുന്നത്. ഇതോടെ അണ്ടർ-19 ലോക ചാമ്പ്യനഷിപ്പിനുളള യോഗ്യതയും ഇന്ത്യ നേടി.
