ദുബായ്: ഏഷ്യാകപ്പ് ക്രിക്കറ്റ് പോരാട്ടത്തിന് ഇന്ന് തുടക്കം. ഉദ്ഘാടന മത്സരം ശ്രീലങ്കയും അഫ്ഗാനിസ്ഥാനും തമ്മിലാണ്. ദുബായ് രാജ്യാന്തര സ്റ്റേഡിയത്തിലാണ് മത്സരം നടക്കുന്നത്. 15-ാമത് ഏഷ്യാകപ്പാണ് നടക്കാനിരിക്കുന്നത്. രാത്രി 7.30നാണ് മത്സരം ആരംഭിക്കുന്നത്.
രണ്ടു ഗ്രൂപ്പുകളിലായി ആറു ടീമുകളാണ് മത്സരിക്കുന്നത്. ഗ്രൂപ്പ് രണ്ടിലെ മത്സരമാണ് ഇന്ന് ആദ്യം നടക്കുന്നത്. ശ്രീലങ്കയ്‌ക്കും അഫ്ഗാനിസ്ഥാനും ഒപ്പം ബംഗ്ലാദേശുമാണ് ഗ്രൂപ്പിലുള്ളത്. രണ്ടാം ഗ്രൂപ്പിലാണ് ഇന്ത്യയും പാകിസ്താനും ഹോങ്കോംഗുമുളളത്.
ദാസുൻ ഷനാകയാണ് ശ്രീലങ്കയുടെ നായകൻ, ചരിത് അസാലങ്ക, അഷേൻ ബന്ദാര, ദിനേഷ് ചാന്ദിമാൽ, വാനിന്ദു ഹസാരങ്ക, ധനഞ്ജയ ചാന്ദിമാൽ, നുവാനിദു ഫെർണാണ്ടോ, ധാനുഷ്‌ക ഗുണതിലകെ, പ്രവീൺ ജയവിക്രമ, ചാമിക കരുണരത്‌നേ, പ്രമോദ് മധുഷാൻ, ദിൽഷൻ മധുഷനാകാ, കുസാൽ മെൻഡീസ്, പാതുൻ നിസ്സാൻക, മതീഷാ പതിരാന, ഭാനുക രജപക്‌സെ, മഹേഷ് തീക്ഷണ, ജെഫ്രി വാൻഡാർസേ, ദുഷ്മാന്ത ചമീര എന്നിവരാണ് ശ്രീലങ്കൻ ടീമിലുള്ളത്.
മികച്ച നായകനെന്ന പേരുകേട്ട മുഹമ്മദ് നബിയാണ് അഫ്ഗാനെ ഇത്തവണയും നയിക്കുന്നത്. നജീബുള്ള സദ്രാനാണ് ഉപനായകൻ. മികച്ച സ്പിന്നറായ റഷീദ് ഖാൻ, അഫ്‌സർ സസായി, അഹമ്മദുള്ള ഓമാർസി, ഫറീദ് അഹമ്മദ്, ഫസൽഹഖ് ഫറൂഖി, ഹഷ്്മത്തുള്ള ഷഹ്‌സാദി, ഹറാത്തുള്ള സസായ്, ഇബ്രാഹിം സാദ്രാൻ, കരീം ജാനത്, മുജീബ് ഉർ റഹ്മാൻ, നവീൻ ഉൾ ഹഖ്, നൂർ അഹമ്മദ്, രഹ്മാനുള്ള ഗുർബാസ്, സാമിയുള്ള ഷിൻവാരി എന്നിവരാണ് അഫ്ഗാൻ നിരയിലുള്ളത്.
