കോട്ടയം : ശക്തമായ മഴയെ തുടർന്ന് സെപ്തംബർ ഒന്നിന് ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി ആണെന്ന തരത്തിൽ പ്രചരിക്കുന്ന വാർത്ത വ്യാജം. സമൂഹമാദ്ധ്യമത്തിൽ വ്യാപകമായി പ്രചരിക്കുന്ന വ്യാജ വാർത്തക്കെതിരെ കോട്ടയം ജില്ലാ കളക്ടർ ഡോ പി കെ ജയശ്രീയാണ് രംഗത്തെത്തിയത്. വാർത്തയെ സംബന്ധിച്ച വിവരങ്ങൾ ഔദ്യോഗിക ഫേസ്ബുക്കിലൂടെയാണ് ജയശ്രീ പുറത്ത് വിട്ടത്.
നിലവിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന സ്കൂളുകൾക്ക് മാത്രമാണ് നാളെ അവധി പ്രഖ്യാപിച്ചിരിക്കുന്നതെന്നും ജില്ലാ കളക്ടർ ഫേസ്ബുക്കിലൂടെ വ്യക്തമാക്കി.
ഫേസ്ബുക്ക് കുറിപ്പിന്റെ പൂർണ്ണ രൂപം
സെപ്റ്റംബർ ഒന്നിന് ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും അവധി നൽകി എന്ന നിലയിൽ പ്രചരിക്കുന്ന ഈ കാർഡ് വ്യാജമാണ്. ദുരിതാശ്വാസ ക്യാമ്പുകൾ പ്രവർത്തിക്കുന്ന സ്കൂളുകൾക്കു മാത്രമാണ് നാളെ (2022 സെപ്റ്റംബർ 1) അവധി.കോട്ടയം ജില്ലാ ഇൻഫർമേഷൻ ഓഫീസ് 2022 ഓഗസ്റ്റ് 30 ന് പ്രസിദ്ധീകരിച്ച അവധി സംബന്ധിച്ച പ്രചാരണ കാർഡിന്റെ മാതൃകയിൽ വ്യാജമായി നിർമിച്ചതാണിത്.
