ദുബായ് : യുഎഇയിൽ ഡ്രൈവിംഗ് ലൈസൻസ് പുതുക്കിയില്ലെങ്കിൽ പിഴയെന്ന് മുന്നറിയിപ്പ്. ലൈസൻസ് പുതുക്കാത്തവർക്ക് 500 ദിർഹം പിഴ ചുമത്തുമെന്ന് റോഡ്സ് ആന്റ് ട്രാൻസ്പോർട്ട് അതോറിറ്റി അറിയിച്ചു. ദുബായ് അന്താരാഷ്ട്ര വിമാനത്താവളത്തിൽ ഡ്രൈവിംഗ് ലൈസൻസ് പുതുക്കുന്നതിന് സംവിധാനം ഒരുക്കുമെന്ന് ആർടിഎ കഴിഞ്ഞ ദിവസം അറിയിച്ചിരുന്നു.
യുഎഇ നിവാസികൾ ഓരോ അഞ്ചോ പത്തോ വർഷം കൂടുമ്പോൾ ഡ്രൈവിംഗ് ലൈസൻസ് പുതുക്കേണ്ടത്. ഒരു നേത്ര പരിശോധനക്ക് ശേഷം ലൈസൻസൻസ് ടെസ്റ്റിനുള്ള നടപടികൾ പൂർത്തിയാക്കാൻ സമയമെടുക്കും. ഈ പ്രക്രിയ കൂടുതൽ ആക്സസ് ചെയ്യാൻ ദുബായ് അന്താരാഷ്ട്ര വിമാനത്താവളത്തിൽ ഡ്രൈവിംഗ് ലൈസൻസ് പുതുക്കുന്നതിന് സംവിധാനം ഒരുക്കുമെന്ന് ആർടിഎ കഴിഞ്ഞ ദിവസം അറയിച്ചിരുന്നു.
എയർപോർട്ടിലെ ടെർമിനൽ ഒന്നിലാണ് സ്വകാര്യമേഖലയുടെ പങ്കാളിത്തത്തോടെ സംവിധാനമൊരുക്കുക. ഡ്രൈവിംഗ് ലൈസൻസ് പുതുക്കുന്നതിന് പ്രധാനമായും കാഴ്ച പരിശോധനയാണ് പൂർത്തിയാകേണ്ടത്. അംഗീകൃത ഒപ്റ്റിക്കൽ സെന്ററുകൾ സന്ദർശിച്ചാണിത് ചെയ്യേണ്ടത്. ഇതിനുള്ള സൗകര്യമടക്കമായിരിക്കും കേന്ദ്രത്തിലൊരുക്കുക.
ആദ്യഘട്ടത്തിൽ രാവിലെ എട്ടു മുതൽ രാത്രി എട്ടുവരെയാണ് സേവനം ലഭ്യമാക്കുക. ലൈസൻസ് പുതുക്കേണ്ടതിന്റെ മാർഗനിർദേശങ്ങൾ യുഎഇ ഗവൺമെന്റിന്റേയും ആർടിഎയുടേയും ഔദ്യോഗിക വെബ്സൈറ്റിൽ ലഭ്യമാണ്. ലൈസൻസ് പുതുക്കുന്നതിൽ വീഴ്ച വരുത്തിയാൽ ഓരോ മാസവും 10 ദിർഹം പിഴ ഈടാക്കും. 10 വർഷത്തിൽ താഴെയാണ് വൈകിപ്പിച്ചതെങ്കിൽ 500 ദിർഹമായിരിക്കും പിഴയെന്ന് അധികൃതർ അറിയിച്ചു.
Comments