മുംബൈ : ടാറ്റ ഗ്രൂപ്പ് മുൻ ചെയർമാൻ സൈറസ് മിസ്ത്രി കാർ അപകടത്തിൽ മരിച്ചു. മുംബൈയിൽ വെച്ചായിരുന്നു സംഭവം. അഹമ്മദാബാദിൽ നിന്ന് മുംബൈയിലേക്ക് പോകുന്നതിനിടെ ഇവർ സഞ്ചരിച്ച മെർസിഡസ് ബെൻസ് അപകടത്തിൽ പെടുകയായിരുന്നു.
വൈകീട്ട് 3.15 ഓടെ ഗുജറാത്ത് – മഹാരാഷ്ട്ര അതിർത്തിക്കടുത്ത് വെച്ചാണ് സംഭവം. സൂര്യ നദിക്ക് കുറുകെയുള്ള പാലത്തിലാണ് അപകടമുണ്ടായത്. ജഹാംഗീർ ദിൻഷോ പണ്ടോലെ, ഭാര്യ അനാഹിത പണ്ടോലെ, ഡാരിയസ് പണ്ടോളെ എന്നിവരും മിസ്ത്രിക്കൊപ്പം കാറിൽ ഉണ്ടായിരുന്നു. ജഹാംഗീർ ദിൻഷോ പണ്ടോലെ അപകടത്തിൽ മരിച്ചു. മറ്റ് രണ്ട് പേരെയും പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഡോ.അനാഹിത പണ്ടോലെയാണ് കാർ ഓടിച്ചിരുന്നത്. ദക്ഷിണ മുംബൈയിലെ ബ്രീച്ച് കാൻഡി ആശുപത്രിയിലെ ഗൈനക്കോളജിസ്റ്റാണ് അനാഹിത. വാഹനത്തിന്റെ നിയന്ത്രണം നഷ്ടപ്പെട്ട് കാർ നദിക്ക് കുറുകെയുള്ള പാലത്തിലെ ഡിവൈഡറിൽ ഇടിക്കുകയായിരുന്നുവെന്ന് പോലീസ് പറഞ്ഞു. സൈറസ് മിസ്ത്രി സംഭവസ്ഥലത്ത് വെച്ച് തന്നെ മരിച്ചു.
Comments