ദുബായ്: പേസ് ബൗളർ ഭുവനേശ്വർ കുമാറിന്റെ തകർപ്പൻ ബൗളിംഗിന്റെ പിൻബലത്തിൽ അഫ്ഗാനിസ്ഥാൻ ബാറ്റിംഗ് നിരയെ തവിടുപൊടിയാക്കി ഇന്ത്യ. 4 ഓവറിൽ 4 റൺസ് മാത്രം വഴങ്ങി 5 വിക്കറ്റ് വീഴ്‌ത്തിയ ഭുവനേശ്വർ ബാറ്റിംഗ് നിരയിൽ സർവ്വനാശം വിതച്ചപ്പോൾ, പിടിച്ചു നിൽക്കാനാകാതെ പതറുകയാണ് അഫ്ഗാനിസ്ഥാൻ.
നിലവിൽ 10 ഓവറിൽ 34 റൺസ് എടുക്കുന്നതിനിടെ അഫ്ഗാനിസ്ഥാന് 6 വിക്കറ്റുകൾ നഷ്ടമായി കഴിഞ്ഞു. 28 പന്തിൽ 20 റൺസുമായി ബാറ്റിംഗ് തുടരുന്ന ഇബ്രാഹിം സാദ്രാന് മാത്രമാണ് അഫ്ഗാൻ നിരയിൽ ഇതുവരെ രണ്ടക്കം കടക്കാൻ സാധിച്ചിട്ടുള്ളത്. രണ്ട് ഓപ്പണർമാരുൾപ്പെടെ മൂന്ന് അഫ്ഗാൻ ബാറ്റർമാർ പൂജ്യത്തിന് പുറത്തായി. അർഷ്ദീപ് സിംഗിനാണ് ഒരു വിക്കറ്റ്.
നേരത്തേ, സൂപ്പർ താരം വിരാട് കോഹ്ലിയുടെ സെഞ്ച്വറിയുടെ മികവിൽ ഇന്ത്യ അഫ്ഗാനിസ്ഥാനെതിരെ 20 ഓവറിൽ 2 വിക്കറ്റ് നഷ്ടത്തിൽ 212 റൺസ് നേടി. ഓപ്പണർ ആയിറങ്ങിയ കോഹ്ലി, 61 പന്തിൽ 122 റൺസുമായി പുറത്താകാതെ നിന്നു. ഫോമിലേക്ക് മടങ്ങിയെത്തിയ രാഹുൽ 41 പന്തിൽ 62 റൺസുമായി പുറത്തായി.
