മുംബൈ: ടി20 ലോകകപ്പിനുള്ള ഇന്ത്യൻ ടീമിനെ പ്രഖ്യാപിച്ചു. ടീമിൽ രവീന്ദ്ര ജഡേജയും സഞ്ജു സാംസണുമില്ല. വിക്കറ്റ് കീപ്പറായി റിഷഭ് പന്തിനെ തിരഞ്ഞെടുത്തപ്പോൾ ബാറ്റ്സ്മാനായി ദിനേഷ് കാർത്തിക്കിനെ ടീമിൽ ഉൾപ്പെടുത്തിയിട്ടുണ്ട്.
രോഹിത് ശർമ്മയാണ് ക്യാപ്ടൻ. കെ.എൽ രാഹുൽ വൈസ് ക്യാപ്ടനാകും.
പതിനഞ്ച് അംഗ ടീമിനെയാണ് പ്രഖ്യാപിച്ചത്. പകരക്കാരായി മൊഹമ്മദ് ഷമി, ശ്രേയസ്സ് അയ്യർ, രവി ബിഷ്ണോയ്, ദീപക് ചാഹർ എന്നിവരെ ഉൾപ്പെടുത്തിയിട്ടുണ്ട്.
പേസർ ജസ്പ്രീത് ബൂമ്ര തിരിച്ചെത്തിയത് ടീമിനു മുതൽക്കൂട്ടാകും. ഫോമിലുള്ള സൂര്യകുമാർ യാദവും ഫോമിലേക്ക് തിരിച്ചെത്തിയ സ്റ്റാർ ബാറ്റ്സ്മാൻ വിരാട് കോഹ്ലിയും ബാറ്റിംഗ് നിരയ്ക്ക് കരുത്താകും.
ടീമംഗങ്ങൾ
രോഹിത് ശർമ്മ ( ക്യാപ്ടൻ ), കെ.എൽ രാഹുൽ ( വൈസ് ക്യാപ്ടൻ ), വിരാട് കോഹ്ലി, സൂര്യകുമാർ യാദവ്, ദീപക് ഹൂഡ, ഋഷഭ് പന്ത് ( വിക്കറ്റ് കീപ്പർ ), ദിനേഷ് കാർത്തിക്, ഹാർദിക് പാണ്ഡ്യ, ആർ. അശ്വിൻ, യുസ്വേന്ദ്ര ചാഹൽ, അക്സർ പട്ടേൽ, ജസ്പ്രീത് ബൂമ്ര, ഭുവനേശ്വർ കുമാർ, ഹർഷൽ പട്ടേൽ, അർഷദീപ് സിംഗ്
ഒക്ടോബർ 16 മുതൽ നവംബർ 13 വരെയാണ് മത്സരങ്ങൾ നടക്കുക. ഓസ്ട്രേലിയയാണ് ആതിഥേയർ.
