ക്ഷേത്രങ്ങളിലും മറ്റും ആരാധനയ്ക്കായി ഉപയോഗിക്കുന്ന വസ്തുവാണ് കർപ്പൂരം. എന്നാൽ ഇതിന് മറ്റ് പല ഗുണങ്ങളുമുണ്ടെന്ന കാര്യം പലർക്കും അറിയില്ല. ആന്റി ബാക്ടീരിയൽ, ആന്റി ഫംഗൽ ഗുണങ്ങളുള്ള കർപ്പൂരം പേശി വേദനയ്ക്കും ശരീരം വേദനയ്ക്കും ഉത്തമമാണ്.
കർപ്പൂര മരത്തിന്റെ തടിയിൽ നിന്നുമാണ് കർപ്പൂരം ഉത്പാദിപ്പിക്കുന്നത്. കർപ്പൂര എണ്ണയും ലഭ്യമാണ്. ശരീര ഭാഗങ്ങളിൽ വേദനയോ ചൊറിച്ചിലോ അനുഭവപ്പെട്ടാൽ ഈ എണ്ണ ഉപയോഗിക്കാവുന്നതാണ്. ചർമ്മ പ്രശ്നങ്ങൾ പരിഹരിക്കുന്നത് മുതൽ കഫക്കെട്ട് ഇല്ലാതാക്കാൻ വരെ ഇത് സഹായിക്കും.
ചുമയും മൂക്കടപ്പും നിങ്ങളെ വല്ലാതെ അലട്ടുന്നുണ്ടെങ്കിൽ കർപ്പൂരം ഉപയോഗിക്കാവുന്നതാണ്. ഉറങ്ങുന്നതിന് മുമ്പ്, നെഞ്ചിൽ കർപ്പൂരം അല്ലെങ്കിൽ കർപ്പൂര എണ്ണ പുരട്ടുക. അത് ആശ്വാസം നൽകും.
പേശി വേദനയുടെ ചികിത്സക്കായും കർപ്പൂരം ഉപയോഗിക്കാം. ആന്റിസ്പാസ്മോഡിക് ഗുണങ്ങളുള്ള ഈ വസ്തു പേശികളെ വിശ്രമിക്കാൻ സഹായിക്കുന്നു. വേദനയും, വീക്കവും അനുഭവപ്പെടുന്ന ഇടങ്ങളിൽ കർപ്പൂരം ഉപയോഗിച്ചാൽ ആ വേദന ശമിപ്പിക്കും.
കർപ്പൂര എണ്ണ മുടിയിൽ തേച്ച് കിടന്നാൽ എളുപ്പത്തിൽ ഉറങ്ങാനാകും. കൂടാതെ മുടി തഴച്ച് വളരാനും ഇത് നത്തലാണ്. തലയോട്ടിയിലെ രക്തചംക്രമണം വർദ്ധിപ്പിക്കുകയും മുടി കൂടുതൽ മൃദുലമാക്കുകയും ചെയ്യും.
