എപ്പോഴും യുവത്വം നിലനിർത്താൻ ഇഷ്ടപ്പെടുന്നവരാണ് നാം. 20കൾ കഴിയുമ്പോഴേക്കും ഇടയ്‌ക്കിടെ കണ്ണാടിയിൽ പോയി നോക്കി പ്രായം തോന്നിക്കുന്നുണ്ടോ എന്ന് ശ്രദ്ധിക്കുന്നത് പലരുടെയും ശീലമാണ്. പ്രായത്തെ തടഞ്ഞുനിർത്താൻ കഴിഞ്ഞില്ലെങ്കിലും ചർമ്മത്തെ സംരക്ഷിക്കാൻ ചെറിയ ചില കാര്യങ്ങൾ ചെയ്താൽ മാത്രം മതി.
നമ്മുടെ ചില ദൈനംദിന ശീലങ്ങളും ചർമ്മത്തിൽ പ്രായക്കൂടുതൽ തോന്നിപ്പിക്കാൻ കാരണമാകുന്നു. ചർമ്മത്തിന്റെ ‘ഇലാസ്റ്റിസിറ്റി’ നിലനിർത്തുക എന്നതാണ് പെട്ടെന്ന് ചുളിവുകൾ വീഴാതിരിക്കാനുള്ള മാർഗ്ഗം. അതിനായി ചർമ്മ സംരക്ഷണം പ്രധാനമാണ്.
പരമാവധി സൂര്യപ്രകാശം നേരിട്ട് മുഖത്തും കഴുത്തിന്റെ ഭാഗത്തും പതിക്കാതിരിക്കാൻ ശ്രദ്ധിക്കുക. സൺസ്‌ക്രീൻ ക്രീം ഉപയോഗിക്കാനും ശ്രദ്ധിക്കുക. വെള്ളം ധാരാളം കുടിക്കാം. ഇത് ചർമ്മത്തിന്റെ ആരോഗ്യത്തിന് വളരെ പ്രധാനമാണ്. എല്ലാ ദിവസവും കുറഞ്ഞത് എട്ട് ഗ്ലാസ് വരെ വെള്ളം കുടിക്കാൻ ശ്രദ്ധിക്കണം. വ്യായാമം ചെയ്യുന്നതും ചർമ്മത്തിന്റെ ആരോഗ്യത്തിന് നല്ലതാണ്. പ്രത്യേകിച്ച് കഴുത്തിനുള്ള വ്യായാമം ചെയ്യാൻ മറക്കരുത്.
പുകവലി ഉപേക്ഷിക്കുക. അകാല വാർദ്ധക്യത്തിന് കാരണമാകുന്ന പുകവലി ഓക്‌സിഡേറ്റീവ് സമ്മർദ്ദത്തെ വർദ്ധിപ്പിച്ചുകൊണ്ട് ചർമത്തിൽ നേരത്തെ തന്നെ ചുളിവുകൾ പ്രത്യക്ഷപ്പെടുത്തുന്നു. പുകവലി ചർമ്മത്തിലെ സ്വാഭാവിക കൊളാജൻ ഉൽപാദനത്തിന് പ്രതിരോധം സൃഷ്ടിക്കുന്നു.
ചില പൊടിക്കൈകളിതാ
തേൻ ചേർത്ത ഫേസ്പായ്‌ക്ക് മുഖത്തെ ചുളിവുകൾ മാറാനുള്ള പ്രധാനപ്പെട്ടൊരു വഴിയാണ്. തേൻ മുഖത്തിന് മോയിസ്ചറൈസർ ഗുണങ്ങൾ നൽകുന്നു. 2 ടേബിൾസ്പൂൺ ഓട്‌സ്, 1 ടേബിൾസ്പൂൺ തേൻ, എന്നിവ ഒരു പാത്രത്തിലിട്ട് ഏറ്റവും ആദ്യം നന്നായി മിക്‌സ് ചെയ്‌തെടുക്കുക. ചേർക്കാം. ഇത് മുഖത്തു പുരട്ടാം.
കടലമാവും ഓട്സും
കടലമാവും ഓട്സും ചേർത്ത ഫേസ്പായ്‌ക്ക് ഇതിനുള്ള നല്ലൊരു വഴിയാണ്. ഒരു ടേബിൾ സ്പൂൺ കടലമാവ് , 1 ടേബിൾ സ്പൂൺ ഓട്‌സ് പൊടിച്ചത്, 1 ടേബിൾസ്പൂൺ തേൻ, എന്നീ ചേരുവകളെല്ലാം റോസ് വാട്ടറുമായി കൂടിചേർത്ത് മിനുസമാർന്ന പേസ്റ്റ് ഉണ്ടാക്കുക. ഈ പാക്ക് മുഖത്തിട്ട് 15 മിനുട്ട് കഴിഞ്ഞ് തണുത്ത വെള്ളത്തിൽ കഴുകുക.
വെളിച്ചെണ്ണ
രാത്രി ഉറങ്ങുന്നതിനു മുൻപ് തണുത്ത വെള്ളത്തിൽ മുഖം കഴുകിയതിനു ശേഷം നനവില്ലാത്ത ചർമത്തിൽ
അൽപം വെളിച്ചെണ്ണ പുരട്ടുക. മുഖത്തും കഴുത്തിലും അൽപനേരം വൃത്താകൃതിയിൽ മസാജ് ചെയ്യുക. പിറ്റേദിവസം രാവിലെ കഴുകി കളയാം.
