പ്രധാനമന്ത്രി നരേന്ദ്രമോദിയ്‌ക്ക് ജന്മദിനാശംസകൾ നേർത്ത് മലയാളികളുടെ താര രാജാക്കന്മാർ. മമ്മൂട്ടി, മോഹൻലാൽ, സുരേഷ് ഗോപി എന്നീ താരങ്ങൾ 72-ാം പിറന്നാൾ ആഘോഷിക്കുന്ന രാജ്യത്തിന്റെ പ്രധാനസേവകന് ആശംസകൾ അറിയിച്ചു. ബഹുമാനപ്പെട്ട പ്രധാനമന്ത്രി നരേന്ദ്രമോദിജിയ്‌ക്ക് പിറന്നാൾ ആശംസകൾ എന്ന് മമ്മൂട്ടി ട്വിറ്ററിൽ കുറിച്ചു. നമ്മുടെ ബഹുമാനപ്പെട്ട പ്രധാനമന്ത്രി നരേന്ദ്ര മോദിജിക്ക് ഊഷ്മളമായ ജന്മദിനാശംസകളും സ്‌നേഹവും. അങ്ങേയ്‌ക്ക് ആരോഗ്യവും സന്തോഷവും കൂടുതൽ വിജയവും നിറഞ്ഞ ഒരു അനുഗ്രഹീത വർഷം ഉണ്ടാകട്ടെയെന്നായിരുന്നു മോഹൻലാൽ ആശംസ അർപ്പിച്ചത്.
ഊർജ്ജസ്വലനും ദീർഘവീക്ഷണവുമുള്ള പ്രധാനമന്ത്രി നരേന്ദ്രമോദിജിയ്‌ക്ക് ജന്മദിനാശംസകൾ. രാഷ്‌ട്രത്തെ നിസ്വാർത്ഥമായി സേവിക്കാൻ താങ്കൾക്ക് ദീർഘവും ആരോഗ്യകരവുമായ ജീവിതം ആശംസിക്കുന്നു എന്ന് സുരേഷ് ഗോപിയും ആശംസ അറിയിച്ചു. മലയാളത്തിന്റെ താരരാജാക്കന്മാരോടോപ്പം നിരവധി നടീനടന്മാരാണ് പ്രധാനമന്ത്രിയ്ക്ക് ആശംസ അറിയിച്ചത്. നടൻ ഉണ്ണി മുകുന്ദൻ, ഗിന്നസ് പക്രു, ഗോവിന്ദ് പദമ്സൂര്യ, ജാഫർ ഇടുക്കി, നടിയായ സാന്ദ്ര തോമസ് തുടങ്ങി നിരവധി പേർ നരേന്ദ്രമോദിയ്‌ക്ക് ആശംസകൾ നേർന്നു.
