വെള്ളത്തിനടിയിൽ തലകീഴായി നിന്ന് മൂൺവാക്ക് ചെയ്യുന്ന യുവാവിന്റെ വീഡിയോ വൈറലാകുന്നു. മൈക്കിൾ ജാക്സണിന്റെ ‘സ്മൂത്ത് ക്രിമിനൽ” എന്ന ഗാനത്തിന് നീന്തല് കുളത്തിൽ നൃത്തം ചെയ്യുന്ന വീഡിയോയാണിത്. ഹൈഡ്രോ മാൻ എന്ന പേരിൽ അറിയപ്പെടുന്ന ജയ്ദീപ് ഗോഹിലാണ് ഈ അസാമാന്യമായ പ്രകടനം നടത്തിയത്.
”എന്റെ മറ്റൊരു വേർഷൻ കാണാൻ ആഗ്രഹിക്കുന്ന പ്രേക്ഷകർക്കായി” എന്ന ക്യാപ്ഷനോടെയാണ് ജയദീപ് വീഡിയോ പങ്കുവെച്ചിരിക്കുന്നത്. വെളളത്തിനടിയിൽ ബില്യാർഡ് ടേബിളിൽ മൂൺവാക്ക് നടത്തുന്നത് കാണാം. തലകീഴായി മറിഞ്ഞും യുവാവ് മൂൺവാക്ക് ചെയ്യുന്നുണ്ട്. ഓക്സിജൻ സിലിൻഡറില്ലാതെയാണ് യുവാവിന്റെ പ്രകടനം.
വെള്ളത്തിനടിയിൽ നിന്നുകൊണ്ട് നിരവധി അഭ്യാസപ്രകടനങ്ങൾ കാണിക്കുന്ന ജയ്ദീപിന്റെ വീഡിയോകൾ നേരത്തെയും വൈറലായിട്ടുണ്ട്. ഈ വീഡിയോയും ആരാധകർ ഇതിനോടകം ഏറ്റെടുത്തുകഴിഞ്ഞു. കൂടാതെ പോപ് രാജാവ് മൈക്കിൾ ജാക്സൺ ഇത് കാണേണ്ടതായിരുന്നുവെന്നാണ് ചിലർ പ്രതികരിച്ചത്.
Comments