നാഗ്പൂർ: കനത്ത മഴമൂലം വൈകി തുടങ്ങിയ രണ്ടാം ടി20യിൽ ഇന്ത്യയ്‌ക്ക് 91 റൺസ് വിജയ ലക്ഷ്യം. മഴകളിമുടക്കിയതോടെ 8 ഓവറാക്കി ചുരുക്കിയാണ് മത്സരം നടത്താൻ തീരുമാനിച്ചത്.
ഓസീസ് 5 വിക്കറ്റ് നഷ്ടത്തിൽ 90 റൺസാണ് അതിവേഗം അടിച്ചെടുത്തത്. ടോസ് നേടിയ ഇന്ത്യ ഓസ്‌ട്രേലിയയെ ബാറ്റിംഗിന് അയയ്‌ക്കുകയായിരുന്നു. എട്ടോവർമാത്രമായി ചുരുക്കിയ മത്സരത്തിൽ റൺറേറ്റ് പത്തിൽ താഴാതെ നോക്കാൻ ഓസീസ് ബാറ്റർമാർക്കായി.
ആരോൺ ഫിഞ്ച്(31), കഴിഞ്ഞ മത്സരത്തിലെ വിജയശിൽപ്പി മാത്യൂ വേയ്ഡ് (43 നോട്ടൗട്ട്) എന്നിവരാണ് തിളങ്ങിയത്. കഴിഞ്ഞ മത്സരത്തിലെ ടോപ് സ്‌കോറർ കാമറൂൺ ഗ്രീൻ(5), ഗ്ലെൻ മാക്‌സ്വെൽ(0), ടീം ഡേവിഡ്(2) എന്നിവർ വേഗം പുറത്തായി. സ്റ്റീവ് സ്മിത് (7) റൺസ് നേടി അവസാന പന്തിൽ റണ്ണൗട്ടായി.
ബൗളിംഗിൽ ഇന്ത്യയ്‌ക്കായി അക്ഷർ പട്ടേൽ 2 വിക്കറ്റും ജസ്പ്രീത് ബുംമ്ര ഒരു വിക്കറ്റും വീഴ്‌ത്തി.
