കല്ലമ്പലം: നിരോധനത്തിന്റെ പശ്ചാത്തലത്തിൽ പോപ്പുലർ ഫ്രണ്ടിന്റെ കൊടികൾ പോലീസ് അഴിച്ചുമാറ്റുന്നതിനിടെ പ്രതിഷേധ പ്രകടനം നടത്താൻ നീക്കം. എസ്ഡിപിഐയുടെയും പിഎഫ്ഐയുടെയും ശക്തി കേന്ദ്രങ്ങളിൽ ഒന്നായ കല്ലമ്പലം പുതുശ്ശേരിമുക്കിലാണ് സംഭവം.
പ്രകടനം നടത്തിയവരിൽ മൂന്നുപേരെ കല്ലമ്പലം പോലീസ് അറസ്റ്റ് ചെയ്തു പോപ്പുലർ ഫ്രണ്ട് ഓഫ് ഇന്ത്യയുടെ ഏരിയ പ്രസിഡന്റ് നസീം സലിം ,സുബൈർ ,സുധീർ എന്നിവരെയാണ് കസ്റ്റഡിയിൽ എടുത്തത്. ഇവരെ യുഎപിഎ നിയമ പ്രകാരമാണ് കസ്റ്റഡിയിലെടുത്തതെന്ന് കല്ലമ്പലം പോലീസ് അറിയിച്ചു.
പ്രകടനത്തിൽ പങ്കെടുത്ത അഞ്ചോളം പോപ്പുലർ ഫണ്ട് പ്രവർത്തകരുടെ വിവരങ്ങൾ പോലീസ് ശേഖരിച്ച് വരികയാണ്. കഴിഞ്ഞ ദിവസം ഇടുക്കി നെടുങ്കണ്ടത്തിന് സമീപം ബാലൻപിളള സിറ്റിയിലും പ്രകടനം നടത്തിയ ഏഴ് പേർക്കെതിരെ പോലീസ് യുഎപിഎ ചുമത്തിയിരുന്നു. ഇവർ ഒളിവിലാണെന്ന് പോലീസ് പറഞ്ഞു.
Comments