ഇതിഹാസ കാവ്യമായ രാമായണത്തെ ആസ്പദമാക്കി ഒരുങ്ങുന്ന ആദിപുരുഷി എന്ന ചിത്രത്തിനായുള്ള കാത്തിരിപ്പിലാണ് രാജ്യമൊട്ടാകെയുള്ള ആരാധകർ. പ്രഭാസ് നായകനാകുന്ന ചിത്രം 2023 ജനുവരി 22 നാണ് റിലീസ് ചെയ്യുന്നത്. ചിത്രവുമായി ബന്ധപ്പെട്ട എല്ലാ വിവരങ്ങളും അണിയറ പ്രവർത്തകർ പുറത്ത് വിടാറുണ്ട്. നാളെയാണ് ചിത്രത്തിന്റെ ടീസർ പുറത്ത് വരുന്നത്.
ആദിപുരുഷിയുടെ ടീസറിന്റെ ദൈർഘ്യം 1.50 മിനിറ്റായിരിക്കും. ഇവക്കെല്ലാം പുറമെ അയോദ്ധ്യയിൽ സരയൂവിന്റെ തീരത്ത് വച്ചാണ് ഗാന്ധിജയന്തി ദിനമായ നാളെ ചിത്രത്തിന്റെ ടീസറും പോസ്റ്ററും പുറത്ത് വിടുന്നത്. സാധാരണ ടീസറിന്റെ ദൈർഘ്യത്തേക്കാളും കുറച്ച് കൂടുതലാണ് ആദിപുരുഷിയുടെ ടീസർ എന്ന കാരണത്താൽ ആരാധകരുടെ പ്രതീക്ഷയും ഇത് വർദ്ധിപ്പിക്കുകയാണ്.
ഓം റൗട്ട് സംവിധാനം ചെയ്യുന്ന ചിത്രത്തിൽ ജാനകിയായി എത്തുന്നത് കൃതി സനോൺ ആണ്.ഡിജിറ്റൽ റൈറ്റ്സ് സ്വന്തമാക്കിയിരിക്കുന്നത് നെറ്റ്ഫ്ളിക്സാണ്. 250 കോടി രൂപയ്ക്കാണ് റൈറ്റ്സ് സ്വന്തമാക്കിയതെന്നാണ് പുറത്ത് വരുന്ന വിവരം. 500 കോടിയോളം രൂപ ബജറ്റിലാണ് ചിത്രം ഒരുങ്ങുന്നത്
പ്രശാന്ത് നീലിന്റെ സംവിധാനത്തിലുള്ള ‘സലാർ’ എന്ന പുതിയ ചിത്രത്തിലും പ്രഭാസാണ് നായകൻ. ‘കെജിഎഫി’ലൂടെ രാജ്യത്തെ സ്റ്റാർ സംവിധായകനായ പ്രശാന്ത് നീലും പ്രഭാസും ഒന്നിക്കുന്നുവെന്നതിനാൽ ആരാധകർ വളരെ പ്രതീക്ഷയോടെയാണ് ഈ ചിത്രത്തെയും കാത്തിരിക്കുന്നത്. ശ്രുതി ഹാസൻ ആണ് ചിത്രത്തിൽ നായികയായി എത്തുന്നത്. മധു ഗുരുസ്വാമിയാണ് ചിത്രത്തിൽ പ്രതിനായക വേഷത്തിൽ അഭിനയിക്കുന്നത്.
Comments